Festival de Nadal Infantil

Os nen@s de Infantil participamos no festival do colexio interpretando a panxoliña "El arbolito". Agardamos que vos guste.

Deseño de veronica

Nadal 2023

Cómo nos gusta o Nadal en Infantil. Neste mes de decembro fixemos moitísisisimas cousas. Engalanamos o cole, vestímonos de árbore de Nadal, participamos no festival do cole, escribimos a carta a Papá Noel, tomamos unha chocolatada con churros que estaba de vicio á que nos convidou a ANPA.... e moito mais. Ollade e veredes.

Bo Nadal!

Os nen@s de Ed. Infantil queren desexarvos.... "Bo Nadal",

Bo Nadal! de veronica

Aniversarios Decembro

Este mes de decembro veu cargado de celebracións e festexamos o aniversario de tres amiguiños; Uriel e Djibryl de 6º de Ed. Infnatil que cumpriron 5 anos e o pequeno Antón de 4º de Ed. Infantil que soprou a candea do número 4. Parabéns chicos!!!.

Aniversarios Novembro

No mes de novembro estivo de aniversario a nosa amiga Melany e festexámolo como é de costume. Qué ben o pasamos! Parabéns Melany!!!

feliz aniversario Melanie de veronica

Visitamos o museo de Belas Artes

O pasado 17 de novembro os máis pequenos do colexio visitamos o museo de Belas Artes en Coruña. Ollade que ben o pasamos.

Artistadas Outonais

Mirade que artistas estamos feitos!!!.

Samaín e Magosto 2023

Outubro, mes cheo de celebracións, Samaín, Magosto.. Ollade que ben o pasamos.

samaín e magosto de veronica

Benvido Outono

Os nen@s de Infantil démoslle a benvida ao outono. Apañamos follas, fixemos murais.... ollade e veredes.

Aniversario outubro

Neste mes de outubro estivo de aniversario unha amiguiña que cumpliu 4 aniños. Adiviñades quén?, SI, nada máis e nada menos que LUCÏA. Agardamos que o pasaras moi ben na túa festa. Parabéns!!!!

Aniversarios Setembro

Rematou o mes de setembro e con el celebramos o aniversario de dúas amiguiñas que estiveron de aniversario neste noveno mes do ano. Eire soprou a candea do número 4 e Yasmín a do número 3. Parabéns peques!!!!

FELÍZ CUMPLE de veronica <

Comezamos un novo curso

Arrincamos un novo curso cheo de ilusións, reencontros, novas amizades...., ollade o que estivemos a facer nestas primeiras xornadas.

ÁS NENAS E NENOS DE 6.ºEI

Hoxe rematan 3 anos marabillosos onde compartimos moitos momentos xuntos/as. A COVID-19 non nolo puxo nada sinxelo desde que comezamos pero conseguimos saír airosos e co mellor dos sorrisos. Por sorte, este curso puidemos gozar de todos eses sorrisos que as máscaras tiveron ocultos durante dous anos, de momentos compartidos, de aniversarios con tartas, de apertas, bicos...

Rematamos unha etapa e comezamos outra, igual que moitas que ides rematar e comezar ao longo da vosa vida. Agardo que persigades sempre os vosos soños e que voedes moi alto. Podedes conseguir todo o que vos propoñades 💕

Grazas por permitirnos o luxo de gozar de vós todo este tempo 💖 Que sempre vos acompañe a alegría que vos caracteriza e a curiosidade por seguir aprendendo 😍 Na Educación Infantil sempre teredes unha man que vos axudará no que precisedes 😍

"O futuro pertence a quen cre na beleza dos seus soños" Eleanor Roosevelt

Ata pronto pitiños

Hoxe cando chegamos á clase tiñamos correspondencia do polo Pepe. Nunha emotiva carta e coincidindo coa chegada das vacacións de verán, contounos que chegaba a hora de que os pitiños seguiran a súa andaina na granxa en compañía das galiñas, galos e outros pitiños. Encomendoulle á profe Vero que os levara a granxa donde vive polo Pepe. Todos comprendemos que agora necesitan medrar cerca doutras aves, eso sí o polo Pepe dixo que xa teriamos novas dos pitiños. Que pasedes un felíz verán!!!!. Querémosvos!!!

PARABÉNS EESHA E AXEL!!!

Nestes días seguimos festexando aniversarios 🎈 desta volta foron o de Axel, que non se puido celebrar no seu momento (1 de Marzo) e o de Eesha que vai ser no mes de Xullo (30). Preparamos todo o necesario  puxemos manteis nas mesas, coroas, as tortas,as candeas, as luces...  as 5 voltas ao sol e despois cantar e bailar sen parar. Parabéns Axel e Eesha!!!🎈🍰

  

 

 

ANIVERSARIOS DE ANAHY, AITANA E MARÍA

Hoxe, na aula dos maiores de infantil celebramos os últimos aniversarios do verán. Desta volta foi a celebración de Anahy, Aitana e a profe María que sopreraán as súas candeas oficialmente nos meses de xullo e agosto 🍰🎈. Moitos parabéns ás 3!! 🎈🎁

Aniversarios de verán

O pasado venres celebramos o aniversario de Izan e Saúl, ainda que cumplen os 4 aniños no verán somos tan festeiros que queriamos compartir con eles no cole un pequeno adianto aos 4 anos!!! Parabéns amiguiños!!!!

PARABÉNS IKER

O xoves, na aula de 6.º de Educación Infantil festexamos outro aniversario de verán. Desta volta foi Iker quen soprou a candea do 6. Parabéns amiguiño!! 🍰🎈🎁 Agardamos que gozases moito da túa festiña no cole. Querémoste 💕

Os nosos pitiños reciben un agasallo

Os nosos pitiños tiveron un agasallo. Nada máis e nada menos que un bebedeiro máis grande, e parece que lles gusta!!!

A beber e comer moito para crecer peques!!!!

E para que non vos sintades tan sós mentres nós non estamos fixémosvos unhas amiguiñas moi especiais. Ata luns !!!!

PARABÉNS ADRIÁN!!!

 Estes días estamos celebrando os aniversarios dos nenos e nenas que cumplen anos no verán, nesta ocasión festexamos o do noso amiguiño Adrián que será o día 5 de Xullo. Preparamos todo para o gran acontecemento coroa, mantel, biscoito, luces... a música preferida para cantar e bailar e diversión asegurada!!😊💃🎈🍰

ANIVERSARIO MAURO

Hoxe, na aula de 6.º de Educación Infantil, festexamos outro aniversario do verán. Neste caso, do noso amiguiño Mauro que xa soprou a candea do número 6 🍰🕯. Que maior!!

Agardamos que gozases da festiña do cole 😍 Querémoste!! 💖💕

EMPEDR(ARTE)

Na aula de 6.º de Educación Infantil estamos feitos uns artistas. Aproveitamos que a profe fixo unha ruta polos Penedos de Pasarela e Traba para descubrir que facer arte con elementos da natureza é posible 🌿🌿 Ollamos diferentes fotos, imaxinamos que figura viamos, creamos as nosas propias esculturas, démoslle significado...

Se queredes saber un pouquiño máis desta actividade, ollade o seguinte vídeo 😍 "EMPEDR(ARTE) COS PENEDOS DE PASARELA E TRABA" é o título da nosa exposición.

NACERON OS PITIÑOS

Por fin naceron os nosos pitiños!! Hoxe cando chegamos á clase levámosnos unha boa sorpresa. Ollade e veredes!!!

ANIVERSARIO DE BRUNO

Xa estamos en xuño e pronto chegan as vacacións do verán. Na aula de 6.º de Educación Infantil estamos moi atarefados co final de curso pero sempre sacamos tempo para festexos 🎈🎊🎉 Onte, celebramos anticipadamente o aniversario do noso amiguiño Bruno que naceu no mes de xullo.

Parabéns Bruno! 💖 Agardamos que gozases moito da túa festa no cole 😀😊 Querémoste moito 😍

Proxecto: "Os pitiños".

Qué remolóns os mosos pitiños, vese que están agusto dentro do cascarón. Agardamos que ao coñecer o que estivemos facendo mentres eles están á calor da incubadora os anime a sair. Veña pitiños que o estamos desexando!!!!

Conta atrás para que nazan os nosos pitiños

Ansiosos de que nazan os nosos pitiños estivemos riscando os días segundo pasaban e xa estamos acercándonos ao día 21, que é o que tardan en sair do cascarón. Polas nosas contas o luns 5 de xuño terían que comezar a sair, así que a ver si mañán cando cheguemos ao cole temos sorpresa ou ao longo da xornada temos novos amiguiños.

Aarón cumple 4 anos

Comenza o mes de xuño e con el o aniversario de Aarón . Mirade que ben o pasamos. Parabéns amiguiño!!!

Feliz cumpleaños Aarón de veronica

A NOSA HORTIÑA

Esta semana, as nenas e nenos das tres aulas de Educación Infantil continuamos traballando no noso horto. Para iso, fixemos unha pequena saída a Almacéns Agro, unha tenda situada moi próxima ao noso centro e onde sempre nos atenden xenial 😍 Dende aquí darlles as grazas por permitirnos levar a cabo esta actividade 😀

Unha vez mercamos o que queriamos cultivar e aproveitando que a profe Patri trouxo algunha planta da súa casa, puxémonos mans á obra co traballo na horta. Tivemos que esforzarnos moito pois as herbas medran moi rápido e a terra, co pouco que chove, está moi dura.

Velaquí unha pequena mostra destes días no horto 😄

REPRODUCIMOS FIGURAS EN BASE A UN MODELO

Estes días na aula de 6.º de Educación Infantil estivemos poñendo a proba a nosa atención cunha actividade que consistía en reproducir a figura observada nun modelo.

1.º Observabamos con detemento a figura proposta

2.º Elixiamos o material necesario: depresores de cores, frechas, policubos, pequenos paus...

3.º Poñendo a proba a nosa atención e lateralidade, recreabamos a figura observada.

Queredes ver que ben o fixemos? Se é que xa somos moi maiores!! 😍

Viaxamos con Francisco F. del Riego nun barquiño de casca de noz!!

Despois de ler información sobre a vida de Francisco Fernández del Riego soubemos que lle gustaba moito facer barquiños con cascas de noces ⛵ por iso mesmo decidimos meternos na súa pel e intentar facer uns con cascas de noces. Queredes ver como fixemos?👀

UNHA NOVA COMPAÑEIRA EN 5º DE EI...BENVIDA EESHA!!!

O venres 26 de Maio na clase de 5º de E.I. tivemos o pracer de coñecer a unha nova amiguña, o seu nome é Eesha e xa deixou a súa pegada no cadro da nosa aula. Estivemos vendo como se escribe o seu nome e fixémoslle uns debuxiños de benvida.💖😊

 

 

E ti como ves a Francisco Fernández del Riego?

 A semana pasada na aula de 5º de EI escoitamos un conto titulado "¿Como lo ves?" a partir deste album quixemos descubrir o artista que había dentro de nós facendo arte efímera co retrato de Francisco Fernández del Riego, saímos ao patio para facer a obra no exteriror pero resultou imposible porque facía moito vento, por este motivo levamos os elementos da natureza para a aula e cada un de nós sacou imaxinación para engalanar o retrato de Francisco. Velaí vos vai unha pequena mostra do que fixemos, agardamos que vos guste😊

Incubando pitiños

Qué sorpresa nos levamos o martes cando chegamos á clase. O noso amigo o polo Pepe desta vez sorprendeunos, e ben.

Alí nos atopamos con algo parecido a unha caixa negra con cables,  un cartón que poderia ser de ovos e unha carta ¿ que será, será?.....

Pois sí, nada máis e nada menos que  unha incubadora que nos prestou encantado o granxeiro da granxa de onde veu o polo Pepe e  un cartón con ovos  das súas amigas as galiñas e uns máis pequeniños que a algún que outro lle parecían de chocolate pero finalmente eran de codorníz.

Así  o contaba na carta que nos escribiu o polo Pepe, coñecedor das nosas ganas de ter pitiños non o dubidou máis e quixo sorprendernos, e vaia se o logrou.

Atentos as instrucións e coidados que requiren os ovos ata eclosionar  comenzamos co proceso:

1.  Poñer a quentar entre 2-3 horas a incubadora. 

2. Proporcionar  a humidade precisa aos ovo, polo que temos que encher un cacharriño con auga e revisar diariamente os seus niveis. IMPORTANTE, o polo Pepe recalcounos que nunca pode estar sen auga.

 Colocar os ovos e agardar....... nada máis e nada menos que...... 21 días para que nazan pitiños.

Xa vos iremos informando!!!!

PARABÉNS JULIETA!!!!

O martes 16 de Maio festexamos na aula de 5º de EI que a nosa amiguiña Julieta xa ten 5 anos!!! Fixemos a coroa, Julieta deulle 5 voltas ao sol, puxemos a mesa e despois de cantarlle o parabéns para ti soplou moi forte a candea do número 5. Despois da encherola bailamos e trouleamos pola clase. Podedes ver unha pequena mostra do que pasou no seguinte vídeo🎈🍰👀💓

Adiviñar que alimento estamos a probar

Inmersos na importancia dunha alimentación saudable, desta vez tocou vendar os ollos e adiviñar que alimento estabamos a probar. E non nos foi de todo mal, ollade e veredes.

adiviñar que alimento estamos a papar!!! de veronica

COMO ME SENTIRÍA SE...

Despois de escoitar o conto: "¿Que tal estás?" de Anthony Browne na clase de 5º de EI, estivemos dialogando sobre as distintas emocións que aparecen no libro e de situacións que nos fan sentir así. Para afondar máis na temática a profe imprimiu unha serie de imaxes nas que se reflectían situacións que implicarían distintas emocións. Por exemplo: se un amigo che grita, se che pegan, se che fan un regalo...😥😩😃

DÍA INTERNACIONAL CONTRA O ACOSO ESCOLAR (6.ºEI)

O día 2 de maio celébrase o Día Internacional Contra o Acoso Escolar. As nenas e nenos de 6.º de Educación Infantil preguntámonos: que é acoso? Logo de facer unha chuvia de ideas, chegamos á conclusión de que esa palabra facía referencia a pegar, dicir cousas feas aos demais, apartar do grupo...

Aproveitamos este día para ler o conto Orellas de bolboreta. Conta a historia de Mara, unha nena que sobre burlas continuas das súas compañeiras e compañeiros.

Puxémonos na pel de Mara e identificamos como nos sentiriamos se nos fixesen iso a nós, así como tamén aprendemos que non facer nada nestas situacións tamén é facer dano.

O DÍA DO LIBRO EN 5º DE EI

O luns 24 de abril na clase de 5º de EI conmemoramos esta data tan especial mesturando libros, xogo e robótica. Para xogar debíamos seguir os seguintes pasos: 

📚 Ler unha frase dos nosos libros favoritos.

📚 Adiviñar de que libro se trataba.

📚 Levar a Bee Bot a casiña do taboleiro correspondente coa portada.

Velaí vos deixamos unha pequena mostra do que aconteceu ese día 👀

Erik cumple 4 anos

Comenza o mes de maio e con el o primeiro aniversario deste mes tan florido. Parabéns Erik!!!.

¡Feliz cumple! de veronica

Alimentando os sentidos en 5º de EI!!!

Para poñer a proba os nosos sentidos e alimentalos de forma saudable  xogamos na clase con Bee Bot. As profes dabannos alimentos saudables 🍌🍓 e nós  cos ollos vendados debíamos empregar o resto dos sentidos para poder adiviñar de que alimento se trataba, despois debíamos levar a Bee Bot á caixa do taboleiro correspondente. Aquí tedes unha pequena mosta do que fixemos 👀

Yeray cumple 4 anos

Rematamos o mes de abril e con el o aniversario de Yeray que soprou a candea do número 4. Agardamos que o pasaras moi ben na túa festa. Querémoste Yeray!!!

¡Feliz Cumpleaños, Erik! de veronica

CORRECTO OU INCORRECTO?

Na aula de 6.º de Educación Infantil gústannos moito as matemáticas, polo que aproveitamos para facer unha actividade de maiores!! Desta volta, traballamos as sumas e restas cos conceptos de engadir (+) ou quitar (-).

👉Aprendemos que para sumar hai que engadir elementos e para restar quitalos.

👉Traballamos con paus de cores e pop its para facer as operacións de xeito manipulativo.

👉Unha vez comprobamos cal era o resultado da operación indicada, deduciamos se a tarxeta era correcta ✅ou incorrecta ❌ e colocabámola no panel correspondente.

SEMANA DO LIBRO

Do 17 ao 21 de abril celebrouse a Semana do Libro e, na aula de 6.º de Educación Infantil, realizamos diferentes actividades. Queredes ver que ben o pasamos? 😁

COMEZAMOS CO CULTIVO DA HORTA

As nenas e nenos de 6.º de Educación Infantil retomamos a semana pasada o traballo na horta. Tivemos que esforzarnos moito, pois tiñamos abandonada esta tarefa dende o curso pasado e máis que unha horta parecía unha selva!! 🌱🌱🌱🌱 Canta herba!!

🌿Arrincamos herbas

🌱Movemos a terra

🌳Cultivamos patacas e cebolas

Proximamente máis!! Seguiremos cultivando máis produtos  😍

CELEBRAMOS O DÍA MUNDIAL DA SAÚDE

O 7 de abril foi o Día Mundial da Saúde e aproveitamos a ocasión para relacionalo co PDI da biblioteca "Cóidome, cóidote, coidámonos". Imos explicarvos que fixemos:

🍉Probamos diferentes alimentos para recoñecer o seu sabor.

🙈Tapamos os ollos e probamos un alimento.

🍌Intentamos adiviñar de que alimento se trataba.

🍊Levamos ao BeeBot á casilla coa imaxe correspondente.

BUSCAMOS TESOUROS NA NATUREZA

A chegada da primavera, que momentos tan fermosos nos ofrece a natureza!! 🌷🌸🌱🌹🌺🌼🌿 As nenas e nenos de 6.º de Educación Infantil, aproveitamos para saír ao xardín e buscar pequenos tesouros agochados que respondesen a un código de cores que tiñamos. Queredes ver como disfrutamos da actividade? 😍

ESTUDIANDO AS AVES!!!

 Na clase de 5º de EI levamos varios días facendo un pequeno estudio para saber cales son as aves que  normalmente nos visitan no patio, observamos detidamente e por agora as que máis vemos son: as lavandeiras, as pegas, as gaivotas, as pombas, os pardais, os corvos e os merlos. Seguiremos observando para saber se hai outras aves👀

Poñendo a punto a horta

Aproveitando o tempo solleiro os nen@s de 3 anos decidimos preparar a nosa hortiña para poder comenzar a plantar. Ollade o que traballamos!!!

Adel cumple 4 anos

Desta vez tocoulle a Adel soprar a candea do nº 4. Agardamos que o pasaras moi ben na túa festiña, foi un día moi especial. Parabens Adel!!!

ANIVERSARIOS DE ABRIL!!!

Neste mes de abril tivemos festexo dobre na clase de 5º de EI... os nosos amiguiños Nael (día 5) e Erik (día 13) estiveron de aniversario!!! Sopraron a candea do número 5 e convidáronnos a todos e a todas a merendar uns biscoitos riquísimos. Cantamos, bailamos, xogamos con globos e fixemos unha festa rachada. Velaí tedes unha pequena mostra do que aconteceu 🍰🎈👀😜

 

 

Facemos tortilla francesa.

Lembrádesvos das galiñas de raza poñedora que temos na aula? Pois un encargo lle fixemos, que nos puxeran ovos para facer unha tortilla, e nada mais e nada menos que media ducia de ovos puxeron dun día para outro. Chegamos á clase e alí estaban os ovos listos para unha......TORTILLA!!!! Mil gracias galiñiñas, merecedes todos os coidadeos que vos proporcionamos.

Frutómetro á máxima temperatura.

Lembrades o noso frutómetro? Pois xa algúns de nós acadamos á máxima temperatura e outros están a puntiño. Pouco a pouco tod@s faremos estalar o termómetro. Así que.... a seguir comendo moita froita para lucir a nosa pulsefroita!!!

Poema: "Mi carita redondita".

Lembrades que recitamos o poema "Mi carita redondita" de Gloria Fuertes para conmemorar o día da poesía? Así que para concluir a nosa actividade, e tendo en conta o día da árbore aproveitamos o tempo solleiro para colgar nas árbores que hai á entrada do colexio o noso poema.

ESTUDAMOS AS FABAS

Dende a aula de 6.º de Educación Infantil tiñamos pendente amosarvos unha actividade realizada xa fai unhas semanas. Recordades que para conmemorar o Día de Rosalía preparamos caldo?

Pois ben, as nenas e nenos de infantil estudamos un dos seus ingredientes: as fabas. Velaquí todo o que fixemos para aprender cousiñas delas 😍

COLGANDO O POEMA DE 5º DE EI

 A finais de Marzo os nenos e nenas de 5º de EI saímos para pendurar o noso poema nunha das árbores que presiden a entrada do noso cole, velaí tedes unha pequena mostra 🌳

A CHEGADA DUN NOVO AMIGIÑO Á CLASE DE 5º DE E.I.

 A finais do mes de Marzo na clase de 5º de E.I. tivemos o pracer de coñecer a un novo compañeiro, o seu nome é Axel e xa deixou a súa pegada no cadro da nosa aula. Estivemos vendo como se escribe o seu nome, fixémoslle uns debuxiños de benvida e sacamos unha foto tod@s xunt@s💗

ANIVERSARIO HUGO

Na aula de 6.º de Educación Infantil rematamos o 2.º trimestre celebrando o primeiro aniversario deste 2023.

Hugo xa soprou a candea do 6!! Parabéns, amiguiño 🍰🎁🎈

Querémoste moito 💖

EXPERIENCIAS MANIPULATIVAS E SENSORIAIS DO PROXECTO "OS TESOUROS DO MEU CORPO"

Remata o 2.º trimestre e con el, na aula de 6.º de Educación Infantil, rematamos o noso proxecto "Os tesouros do meu corpo". Ademais de rexistro de datos e información, levamos a cabo diferentes experiencias manipulativas e sensoriais que nos encantaron 😍

Velaquí vos deixamos un vídeo resumo 👀

Sen dúbida, o éxito absoluto foi a estación de análises de sangue na tuff tray 😀

Tamén nos gustan moito as botellas sensoriais e estamos desexosos e desexosas de levalas para as casas pero imos deixalas no colexio uns días máis para levar ao Salón do Libro de Carballo no mes de abril 😊

OICHES!!!!....... O POEMA DOS NENOS E NENAS DE 5º DE E.I.

Na clase de 5º de EI aproveitamos  o día 21 de Marzo, que foi o Día Internacional da Poesía, para denunciar a situación que estamos a vivir a diario no noso colexio a través dun poema inventado por nós: hai xente que pasea aos cans pola contorna do centro e non recolle as cacas!!! Estamos cansos/as de pisar as cacas e ter que limpar os zapatos un día si e outro tamén, xa está ben!!! O que ten unha mascota ten que saber que ten unha responsabilidade e que debe ter un mínimo de concienciación cidadá. Agardamos que con este poema fagamos reflexionar a este tipo de xente irresponsable, e por fin  fagan o favor de recoller e tirar as cacas ao lixo. No seguinte vídeo podedes ver o poema e un vídeo de como o recitamos👀👂😋

BIBLIOSANLUIS: POEMA "EN MI CARA REDONDITA" DE GLORIA FUERTES

BIBLIOSANLUIS: POEMA "EN MI CARA REDONDITA" DE GLORIA FUERTES:   Poema "En mi cara redondita"  👦👧de Gloria Fuertes recitado polo alumnado de 4.º de Educación Infantil .

Proxecto "Os pitiños".

Nestas semanas estivemos avanzando no noso proxecto e coñecendo cousas sobre o noso amiguiño Pepe e a súa familia, como por exemplo quen é o seu papá e a súa mamá, qué comen, cantos ovos pode poñer unha galiña, as diferentes razas, donde viven....

Deixámosvos enlace á cancion de "La gallina Turuleca" que tanto nos gusta.

8 M. DíA DA MULLER.

O 8 de marzo foi o día da muller,  e na aula de 3 anos fixemos homenaxe ás mulleres da nosa vida,aquelas que nos coidan e protexen todos os días "AS NOSAS MAMÁS". 

Velaquí o retrato de cada unha delas, Querémosvos moooiiitoooo!!!

DÍA DA MULLER E A NENA NA CIENCIA

Onte celebramos o Día da Muller e a Nena na Ciencia porque forma parte dun dos obxectivos que pretendemos co proxecto da biblitoeca titulado "Cóidome, cóidote, coidámonos" neste 2.º trimestre. Para iso acompañáronnos pola mañá un grupo de 5 investigadoras que traballan no CHUS.

As nenas e nenos de Educación Infantil participamos en 3 obradoiros que nos encantaron!! Aprendemos que Galicia está na vangarda da investigación oncolóxica porque nos axudan a conseguir un diagnóstico máis temperá e un tratamento eficaz e personalizado.

Estámosvos enormemente agradecidos/as polo tempo que nos dedicastes!! 💜💜💜💜💜

8M EN 5º DE EDUCACIÓN INFANTIL: ORNITÓLOGAS, AS MULLERES QUE PROTEXEN E ESTUDAN ÁS AVES.

Unha vez máis Ratiño deixounos información moi valiosa sobre as aves, desta vez fixo posible que recoñecesemos o valor de mulleres que protexeron e estudaron as aves ao longo da historia. O 8 de Marzo deixounos na clase uns prismáticos e as imaxes das citadas ornitólogas. Velaí unha pequena mostra de todo o que fixemos💜

 

8M: MULLERES GALEGAS QUE NOS COIDAN

 

Na aula de 6.º de Educación Infantil traballamos, polo 8 de marzo, algunhas mulleres galegas que nos coidan 💜 Buscamos en internet e fixemos un pequeno mural a modo de homenaxe pola súa magnífica labor.

PARABÉNS VALERIA!!!

O luns 6 de Marzo a nosa amiguiña Valeria cumpliu 5 anos e por suposto celebrámolo cunha festa rachada e cunha merendola a que nos invitou Valeria!!! Parabéns e grazas!!!!🍰🎈🎉

QUE SON AS ARTICULACIÓNS?

As nenas e nenos de 6.º de Educación Infantil seguimos traballando sobre o corpo humano 💀💪🖐🦶. Estes días aprendemos que son as articulacións e a súa importancia 😀

O aniversario de Rosalía de Castro

 O 23 de Febreiro foi o aniversario de Rosalía de Castro, en 5º de EI quixemos celebralo con varias actividades:

- recitamos na clase o seu poema "Unha vez tiven un cravo cravado no corazón..."

- profundizamos na temática do poema e barallamos posibles motivos polo que Rosalía podería sentir tanta dor

- cada neno e nena da clase fixo un corazón💗 con elementos presentes na clase

- a partir dun retrato de Rosalía fixemos unha composición con material da aula

- celebrámoslle o aniversario  cantando o Parabéns para ti e soplando unha vela🎈🍰

- como en Infantil tiñamos que facer unha pequena investigación sobre as fabas, para facer o caldo de gloria, representamos a cara de Rosalía de Castro con fabas negras, blancas e pintas. 

Velaí tedes unha pequena mostra de todo o que pasou neses días...👀

"ENTROIDANDO" NA AULA DE 4º DE EI

A finais de Febreiro celebramos o Entroido con moitas actividades, arrincamos o festexo coa III carreira do corazón e seguimos cos mandados do Xestal, polo que a diversión estivo asegurada en todo momento. O venres 17 disfrazámonos de amorodo, desfilamos polas rúas de carballo, gozamos dunha merenda coas nosas familias no colexio e a ANPA invitounos a unha chocolatada... en definitiva, foi unha xornada na que todos e todas gozamos moito e pasámolo en grande xuntos/as. Moitas grazas por todo!!!💗

Aarón cumple 4 anos

Hoxe celebramos que o noso amigo Aarón xa ten 4 aniños. Grazas por compartir connosco unha merendola tan rica. Agardamos que o pasaras moi ben. Parabéns!!!

XORNADA DE PORTAS ABERTAS

Proximamente, estará aberto o prazo de preinscrición para o curso 2023/2024. Estás pensando en matricular ao teu fillo/a no noso cole? Vén coñecernos!! 😀😍

Disfrazamos a Elmer

Na aula de 6.º de Educación Infantil, estiveron estes días a disfrazar a Elmer coa mestra de inglés 🎭

O entroido en 4º de Infantil

Velaquí uns retais do entroido vividos polos nenos e nenas de 4º de Ed,. Infantil. Agardamos que vos guste!!!

O ENTROIDO EN 6.ºEI

A semana do 13 ao 17 deste mes de febreiro, foi de festexo total!! 🎈🎉🎊 No colexio celebramos a III Semana do Corazón e o Entroido.

🎭Seguimos os mandados do Xestal

🎭Celebramos o Entroido disfrazándonos sobre a temática do PDI da biblioteca e do Plan Proxecta. No noso caso, o noso disfrace foi de fresas, conxuntamente cos amiguiños e amiguiñas de 3 e 4 anos 🍓Fixemos un percorrido polas rúas de Carballo, tomamos sobremesas de Entroido aportadas polas familias, chocolatada a cargo da ANPA... Moitas grazas!!

🎭Deseñamos antifaces e capas de Entroido, deixando voar a nosa creatividade e imaxinación, que temos moita!!

SAÍDA AO MUSEO DE HISTORIA NATURAL

O pasado 31 de xaneiro, o alumnado de Educación Infantil fomos de excursión ao Museo de Historia Natural situado Santiago de Compostela. Alí vimos un montón de animais e aprendemos moitas cousas que non sabiamos 😃 que divertido!!

Aproveitamos que facía un día sol marabilloso 🌞 para xantar na Alameda, fotografiarnos coas Marías, visitar a Catedral e a Praza do Obradoiro, pasear por algunhas rúas moi coñecidas como a rúa do Franco... en resumo, un gran día cunha gran compañía!! 💖

"Xogando coas figuras xeométricas"

Nestes días estivemos xogando coas figuras xeométricas, círculo, cadrado, rectángulo e círculo. Ollade como deixamos voar a nosa imaxinación e construimos o que para uns eran trens , camións, tractores, casas, árbores.... E vós qué vedes?

Deixámosvos o enlace tamén da nosa canción favorita " La ronda de las figuras geométricas".

"Un petisco de froita"

Cómo ben sabedes,dentro do proxecto da biblioteca "Cóidome, cóidote, coidámonos" e en relación co Plan Proxecta "Aliméntate ben" no que participamos,en días anteriores visitamos o mercado da nosa vila para comprar produtos saudables para preparar un menú no restaurante "San Luís". E como houbo excedente de produto, coa froita que non consumiron os clientes, preparamos uns petiscos de froita e convidamos aos nosos amiguiños de 4 e 5 anos. Mirade que delicia!!!

Así mesmo, decidimos elaborar un frutómetro para medir a froita que consumimos, e que ese mesmo día inauguramos. E irá subindo de temperatura según pasan os días, xa veredes como si, porque nas nosas merendas a froita non pode faltar!!!!