Celebramos o Nadal na aula de 5 anos.

Na aula de 5 anos o venres 21 de decembro estivemos todo o día de celebración. Visitounos Papá Noel, entregámoslle a carta que lle escribimos e dounos un agasallo moi especial personalizado. Cómo nos gustou!!!. Cantamos, bailamos..... e enchemos as barrigolas coas merendas navideñas tan ricas que trouxemos. Bo Nadal a tod@s. Desfrutade das vacacións. Vémonos á volta.

O NADAL NA AULA DE 5.º EI

As nenas e nenos de 5.º de Educación Infantil levamos moito tempo traballando e preparando cousiñas para a chegada do Nadal: postais, adornos para as nosas árbores 🎄, a carta de Papá Noel 🎅, decoramos as bolsas dos traballiños... Mirade este vídeo para ver canto traballamos 😍💕

Bo Nadal a todos e a todas!! Que o 2022 veña cheo de cousas boas 🌟⭐

ANIVERSARIO OTTO

Onte, na aula de 5.º de Educación Infantil estivemos de dobre celebración, pois o noso amigo Otto cumpriu 4 anos. Moitos parabéns!!! 👏🎈🎉 Agardamos que o pasases ben na festiña do cole 😍

💖Querémoste moito 💖

GRAZAS ADI

Como sabedes, o día 3 de decembro celebrouse o Día Internacional das Persoas con Discapacidade. Con este motivo, puxémonos en contacto con Adiaratou Iglesias Forneiro, a quen tivemos a gran sorte de poder facerlle preguntas. Esta semana, recibimos un vídeo seu, que ilusión!!! 😍

As nenas e nenos de 4 anos, estivemos mooooi moi atentos e atentas ao que nos contaba 😄

Moitas grazas de novo, Adi 💗 se algún día vés a Carballo, no CEIP Xesús San Luís Romero recibirémoste cos brazos abertos 💕

Bo Nadal!

Un ano mais participamos no concurso de postais de Nadal do concello de Carballo. De entre 1200 participantes a nosa amiga Julia resultou gañadora con un accésit. Parabéns Julia.

Aledámonos moito por Julia e tamén estamos moi orgullosos do resto dos traballos presentados, cos que aproveitamos e desexamos a toda a comunidade educativa..... "BO NADAL".

Matías cumple 5 anos.

Un novo aniversario na aula de 5 anos. Desta vez o cumpleañero foi..... MATÏAS!!!! Agardamos que o pasaras moi ben na túa festiña cos amigos da túa aula. Parabéns!!!

Baixo a mesma carpa de crochet. Toma 4

Partindo do conto " O elefante encadenado",chegamos á conclusión que todo o mundo ten dereito a ser libre e romper con calquera estaca á que permaneza atado. E así o fixo o elefante deste conto nun final diferente que inventamos os nen@s de 5 anos, cunha mensaxe ben clara: "Dereito á libertade e á igualdade". Agardamos que vos guste.

Baixo a mesma carpa de Crochet. Toma 3

Seguindo co proxecto "BAIXO A MESMA CARPA DE CROCHET", desta vez na aula de 5 anos recibimos a carta dunha amiguiña chamada Sarela. Queredes saber quen é?. Ollade o vídeo e atoparedes resposta a esta pregunta.

Yrina cumple 5 anos

Na aula de 5 anos imos facéndonos cada día máis maiores. Desta vez tocoulle soprar a candea do número 5 a Yrina. Parabéns Yrina!!!

DÍA INTERNACIONAL DAS PERSOAS CON DISCAPACIDADE

Onte, 3 de decembro, celebramos o Día Internacional das Persoas con Discapacidade. Ao longo destes días, en 5.° de Educación Infantil, estivemos coñecendo a Adiaratou Iglesias Forneiro, unha atleta galega que tivo o seu recoñecemento nos Xogos Paralímpicos. Grazas Adi por ensinarnos tanto coa túa historia de superación 💓

Queredes ver as propostas destes días? Mirade o seguinte vídeo 😍

A continuación deixámosvos algúns dos vídeos que estivemos vendo estes días e que nos axudaron a reflexionar sobre a importancia do esforzo, o respecto, a comprensión, a tolerancia... Viva a diversidade!! 💓💙💚💛💜

Se picades no seguinte enlace, accederedes ao blog da Bibliosanluís onde podedes ver un vídeo sobre o Día da Discapacidade en todo o colexio:

http://equipobibliosaluis.blogspot.com/2021/12/dia-internacional-das-persoas-con.html

RECIBIMOS A VISITA DUN GATIÑO

Fai uns días, veu de visita ao colexio o gatiño dos nosos veciños/as 🐱. Na aula de 5.º de Educación Infantil estabamos tan contentos/as e entusiasmados/as que aprazamos o traballo que tiñamos planificado para saír ao patio e debuxalo. Mirade que preciosidade de debuxos 😍

25N: Día Internacional contra a Violencia de Xénero

Onte, 25 de novembro, celebramos o Día Internacional contra a Violencia de Xénero. Queredes ver que fixemos para celebralo? Mirade este vídeo da aula de 5.º de Educación Infantil 👀

Que vos pareceu a instalación? A nós gustounos moito o resultado final 😍 Con ela quixemos representar dúas cousas: por unha banda, cos zocos (que fixeron as nenas e nenos de 1.º de Educación Primaria) que todos e todas camiñamos xuntos cara a igualdade. Por outro lado, coas regadeiras das que colgan pingas con palabras fermosas esperamos que nos empapen de valores para loitar contra as desigualdades 💪💪

Ademais, traballamos o conto El elefante encadenado. Con el aprendemos que todos e todas podemos liberarnos desa estaca á que calquera de nós pode permanecer atado/a. Agardamos que, unidos/as, avancemos no camiño da igualdade. Se queredes escoitar esta historia, premede na portada do libro para ver un contacontos.

ANIVERSARIO GAEL

Onte, 25 de novembro, o noso amigo Gael estivo de aniversario e, como non, tivemos festa na clase. Moitos parabéns!! 👏👏 Xa tes 4 aniños🍰🎈🎉🎁

Querémoste 💓💓

PARABÉNS PABLO

Onte, o noso amiguiño Pablo soprou a candea do número 4. Que maior!! Moitos parabéns 🎈🎁🍰 Agardamos que gozases moito na festiña do cole 😍

Querémoste moito 💓

DÍA UNIVERSAL DA INFANCIA

O venres celebramos no colexio, o Día Universal da Infancia e, na aula de 5.º de Educación Infantil, aprendemos que todos os nenos e nenas temos dereito a ter un nome, a ter unha familia, a xogar, a ir ao médico, temos dereito á educación... 

Aproveitamos para relacionar o tema co proxecto do circo, así que reflexionamos sobre como era a educación alí. Ollade as nosas reflexións 👀

Unha vez compartimos as nosas ideas, vimos un vídeo que nos explicaba un pouquiño sobre unha escola do circo 🎪

Logo de ver o vídeo, volvemos falar sobre o tema:

• Iker e Gael pensan que todos os nenos e nenas do circo teñen a mesma idade.
• Bruno, en cambio, di que hai nenos grandes e pequenos.
• A Mauro chámalle a atención que no circo falan castelán e que xogan ao fútbol.
• Iker e Mauro fíxanse en que hai dúas gemelas e que son dúas chicas guapas.
• Comprobamos que nese cole do circo só hai un mestre.

Ademais disto, para celebrar o Día Universal da Infancia, tamén fixemos unha proposta de Fidalgo. Decoramos un pétalo co nome dun dereito e elaboramos, entre todas as clases do cole, unha flor🌸

Se pulsades na seguinte imaxe, accederedes ao Blog da Bibliosanluís, onde podedes ver un fermoso vídeo 😍

XOGAMOS COAS CARTAS DE NÚMEROS E LETRAS

Estes días na aula de 5.º de Educación Infantil estivemos traballando cunhas cartas novas de números e letras ás que lle atopamos moitas posibilidades 😃 Queredes ver canto xogamos e aprendemos con elas? Ollade este vídeo 😍

O NOSO VOLCÁN ENTRA EN ERUPCIÓN

Boa tarde a todos e a todas!! Hoxe, dende a aula de 5.º de Educación Infantil, queremos amosarvos un experimento que realizamos e co que simulamos a erupción do volcán. Con moita pacencia e esforzo, preparamos o noso volcán con plastilina e tamén a súa contorna con plataneiras, herba, casas... Mirade, mirade 👀

Cando xa o tiñamos feito, realizamos o experimento, así como tamén explicamos para todos e todas vós todo o que aprendemos con este proxecto.

Nenos e nenas, as mestras e mestres queremos dicirvos que estamos moi orgullosos/as de vós 😍 fixestes un magnífico traballo 💓 Parabéns!! 👏👏

Yeraik cumple 5 anos.

No día de hoxe Yeraik cumple 5 anos. Agardamos que o pasaras moi ben na túa festa. Parabéns Yeraik!!!

Nagore cumple 5 anos

Parabéns á nosa amiguiña Nagore que cumpriu 5 anos. Agardamos que o pasaras moi ben neste día.

ANIVERSARIO DIEGO

Hoxe, na aula de 5.º de Educación Infantil, celebramos o aniversario do noso amiguiño Diego. Moitos parabéns!! 👏👏 Agardamos que gozases da festiña 🎈🎁 Querémoste moito💓

QUE É UNHA BANDEIRA?

Na aula de 4 anos, seguimos co Proxecto sobre os volcáns. Desta volta, aprendemos que era unha bandeira, que cada bandeira é diferente e descubrimos que as bandeiras de Galicia e A Palma tiñan as mesmas cores 😀 Sabedes que cores son? Ollade este vídeo 😍

XOGAMOS COS NÚMEROS E AS LETRAS

Boa tarde 😊 estes días, na aula de 5.º de Educación Infantil fixemos diferentes xogos para traballar cuestións de lectoescritura e de lóxica matemática:

• Buscamos letras e números.
• Pensamos palabras que comezasen por diferentes letras.
• Fixemos o son das letras.
• Démoslle indicacións ao BeeBot para que chegase ao número que indicaba o dado.
• Contamos un número determinado de elementos.
• Buscamos números.

Queredes ver que ben o pasamos? Mirade, mirade 👀

Proxecto, "Os Volcáns"

O domingo 16 de setembro despertamos con unha nova: "Erupción Volcánica en La Palma". Para algúns era familiar, xa que algo viramos no móbil dos papás e para outros foi a escola a primeira fonte de información. Polo tanto esta nova despertou a nosa curiosidade e interese polos volcáns. 

Algo xa sabíamos, como que botan fume, arden...pero tamén queríamos saber moitas mais cousas, así que tomamos nota das curiosidades:

 Hai volcáns en Carballo? Onde está o volcán de La Palma? Por qué arden os volcáns? Hai moitos ou poucos volcáns? Cales son as partes do volcán? Que persoas estudian os volcáns? Podo ir a un volcán? Queimaríame se me acerco ao volcán? Podo facer un volcán que bote lava?..... Estas eran entre outras as curiosidades que tiñamos, así que ao longo destes meses fomos investigando, dando resposta as nosas inquedanzas. e aprendendo moito.

Aquí vos deixamos unha pequena mostra.

Baixo a mesma carpa de crochet. Toma 2.

Baixo a mesma carpa de crochet.Toma 1.

O curso pasado resultamos gañadores da VII convocatoria Concepción Arenal co proxecto "BAIXO A MESMA CARPA DE CROCHET" na modalidade infantil. É por iso que ao longo do curso realizaremos diferentes actividades que en dito proxecto se reflicten que versan sobre o mundo do circo e igualdade de xénero. Arrincamos pois coa TOMA Nª1 na aula de 5 anos "Baixo a mesma carpa de crochet". Benvid@s aos espectadores. Ocupen as súas butacas que comenza o espectáculo.

Samaín 2021

O venres 29 de outubro celebramos o Samaín. Ao longo de toda a semana estivemos facendo cousiñas relacionadas con esta festa tan terrorífica!!!! Comenzamos con unhas pantasmas que fixemos coa teacher Raquel, continuamos con uns morcegos que non paraban de revolotear por toda a clase, ata o máis rebuldeitro se atreveu a pousar no cráter do volcán que temos na nosa aula, non sabemos se sairia algo chamuscado, un pouco xa cheiraba a churrasco!!! Tamén fixemos unhas pantasmas moi doces con chupas para levar de sobremesa. E como somos tan festeiros non poidamos terminar sen disfrazarnos, festexar na aula, xogar con castañas, e levar as cabazas que fixemos ca axuda das nosas familias ao xardín, participando así no programa "Presume de Xardín"patrocinado polo concello.

Xornadas Outonais.

O pasado venres 15 de outubro ao entrar na aula atopámonos algo agochado baixo un pano. Cómo chegaría alí?. Sería Fidalgo?. Qué se agocha...? Deste xeito foron xurdindo as primeiras respostas; unha cesta, unha Nancy, filloas, libros, un vestido, cousas de Halloween, e ata um bebé que no suposto de que así fora tiñamos ben claro os coidados que precisaba, Non aguantando máis esta incertidume atrevémonos a levantar o pano, e cal foi a nosa sorpresa?. "Unha cesta con cousas do outono" (millo, mazáns, ourizos, noces, tamarillos...), Algunhas destas cousas resultaron familiares e outras foi a primeira vez que as viamos. Fixemos unha clasificación dos produtos e posteriormente estivemos vendo imaxes de bodegóns de diferentes artistas que facían composicións con froitos do outono, así que mans á obra e por equipos comenzamos a crear o noso bodegón. Posteriormente, noutra xornada calzamos as nosas botas e saimos ao patio recoller follas, quitar castañas dos ourizos.... e descubrimos que había unha nogueira, aínda apañamos para un petisco. Finalmente non poidemos resistirnos e probamos estes produtos tan sans e saborosos.

Día das Bibliotecas Escolares

O pasado 24 de novembro foi o día das Bibliotecas escolares. Para festexalo fixemos unha actividade moi divertida na biblioteca do centro co noso amigo Beebot, cantas ganas tiñamos de reencontrarnos outra vez con esta abelliña tan especial. Desta vez tiñamos que levar a Beebot a ilustracións de diferentes contos que ben coñecemos e nos gustan tanto. Ollade que ben o pasamos.

SAMAÍN 2021

O venres 29 de outubro, celebramos a festa do Samaín🎃 Xa levabamos días facendo cousiñas relacionadas con esta temática pero este día foi o broche final. Na aula de 5.º de Educación Infantil fixemos cabazas coa mestra de inglés, pantasmas con ChupaChups, disfrazámonos, elaboramos cabazas coas nosas familias e máis cousiñas. Se queredes saber que ben o pasamos nesta celebración, mirade o seguinte vídeo 👀

Ao longo destes días tamén lemos varios contos relacionados coa temática. Se picades sobre as súas portadas, podedes ver e escoitar algúns deles en familia 💓

PARABÉNS ROGELIÑO

Hoxe queremos amosarvos a festiña que fixemos no cole polo aniversario de Rogeliño 💓 Moitos parabéns amiguiño!!! Agardamos que disfrutes moito dos teus 4 aniños 🎁

💓 Querémoste moito 💓

ALGUNHAS PROPOSTAS DESTES DÍAS

Ao longo dos días, na aula de 5.º de Educación Infantil realizamos moitos xoguiños que nos axudan a aprender. Desta volta queremos ensinarvos un co que traballamos cuestións de lóxica-matemática. Mirade mirade 👀

Ademais queremos amosarvos a nova decoración da porta da nosa aula. Como ao longo do curso imos traballar a igualdade relacionado coa temática do circo, quixemos disfrazarnos das persoas que nel traballan 😍

CIRCARTE

Fai uns días, na aula de 5.º de Educación Infantil, realizamos outra actividade do proxecto "Baixo a mesma carpa de crochet". Estamos tan atarefados co Samaín, o proxecto dos volcáns e outras propostas que tiñamos este vídeo sen subir ao blog.

Esta actividade titúlase "Circarte" e con ela aprendemos que tanto homes como mulleres poden realizar todas as profesións, todas as actividades que desexen... 

"A igualdade de xénero ten que ser unha realidade vivida" Michelle Bachellet

CELEBRAMOS O DÍA DAS BIBLIOTECAS

Este 24 de outubro foi o Día das Bibliotecas e na aula de 5.º de Educación Infantil fixemos unha actividade que nos propuxo Fidalgo. Debiamos levar o BeeBot dende a portada dun dos nosos libros favoritos ata unha das súas ilustracións. Como nos gustou esta proposta!! 😍😀

Premede aquí e veredes o noso vídeo no blog da Bibliosanluís:

https://equipobibliosaluis.blogspot.com/2021/10/24-de-outubro-dia-das-bibliotecas.html

Aí tamén podedes ver os traballiños dos nosos compañeiros e compañeiras.

FACEMOS UNHA MANUALIDADE DO OUTONO

Como xa sabedes, estamos na estación do outono 🍂🍁🍃 No patio hai moitas follas caídas, noces... así que na aula de 5.º de Educación Infantil decidimos facer unha manualidade moooooi especial. Usando caixas de cartón elaboramos un fermoso cadro para a nosa aula. Queredes ver que chuli nos quedou? 😍😍

Moitas grazas familias por aportar as tapiñas das caixas 😊 Agardamos que vos guste o resultado final!!

PARABÉNS DAVID

Onte, o noso compañeiro David estivo de aniversario e hoxe fixemos a festiña no cole 🎈🎉🎁 Que ilusión celebrar o primeira festiña deste curso 😊 Felices 4 aniños!! Querémoste moito 💓

FACEMOS UN VOLCÁN

Ola a todos e a todas!! Aquí estamos de novo as nenas e nenos de 5.º de Educación Infantil para amosarvos un volcán que estivemos a facer estes días. É moooooooi moi grande, moito máis alto ca nós 😀 Como sabedes, a raíz da erupción do volcán Cumbre Vieja, estamos estudando moito sobre el e contarémosvos que xa sabemos un montón de cousas:

• Atópase na illa da Palma.
• Esta illa está nas Canarias.
• Para chegar ás Canarias precisamos un avión.
• Se queresmos viaxar en avión debemos ir ir a un aeroporto.
• Os volcáns teñen forma de cono.
• Algunhas das súas partes son: corteza, cráter, lava, magma, chimenea... Todos estes nomes xa son coñecidos para nós.

Mateo cumple 5 anos.

Na aula de 5 anos estivemos outra vez de celebración. Cada día que pasa facémosnos máis maiores, desta vez tocoulle soprar a candea do nº 5 a Mateo. Parabéns Mateo.

ARRINCAMOS O PROXECTO ANUAL NA AULA DE 4 ANOS

O curso pasado, resultamos gañadores/as da VII Convocatoria Concepción Arenal a proxectos educativos pola igualdade de xénero co noso proxecto titulado Baixo a mesma carpa de crochet. É por isto que, ao longo de todo o curso, imos realizar as actividades que nel se recollen.

Este proxecto trata sobre o circo e con el imos traballar sobre a igualdade de xénero. Para poñervos en situación, deixámosvos un anaquiño da xustificación do noso proxecto.

“Entendí entonces por qué el enorme y poderoso elefante que yo veía en el circo se quedaba encadenado: él estaba convencido de que nunca podría liberarse de su estaca. El pobre animal tenía el fracaso grabado en su memoria de elefante y jamás, jamás, había vuelto a poner a prueba su fuerza...”.

Este fragmento do marabilloso libro de Jorge Bucay El elefante encadenado fainos pensar nesa estaca que, ao longo dos anos, fixo que a igualdade de xénero non avanzase como quixeramos, unha estaca da que custa liberarse xa que foi pasando de xeración en xeración.

Do mesmo xeito, fainos reflexionar sobre a situación dunha persoa que pode ser vítima de violencia de xénero. Moitas veces por desgraza aínda temos que escoitar nalgunhas conversas iso de: -E se lle pega, porque non marcha? Quizais a situación do elefante encadeado nos pode dar algunha resposta: tenía el fracaso grabado en su memoria.

Con todo isto, podemos ver como os estereotipos de xénero que as nenas e nenos viven dende idades temperás, poden marcar a súa vida adulta. Dado que o noso alumnado está nesta etapa, intentaremos crochetear os fíos necesarios para axudarlles a que a equidade de xénero e o respecto á diversidade forme parte das súas vidas.

Decantámonos por este tema porque nestes tempos de pandemia, o nerviosismo está presente en nós, tanto no alumnado como nas familias e no profesorado. Consideramos que a diversión que pode aportar o tema do circo faría máis levadeira esta situación na que os protocolos condicionan tanto o noso xeito de vivir. Pretendemos que o único efecto secundario que teña todo isto sexan sorrisos e poñer en valor o traballo dos pallasos e pallasas que animan nos hospitais.

Todo isto lévanos a facer unha reflexión sobre o circo: Como un mundo que gusta tanto aos nenos e nenas e cala tan fondo neles/as está tan marcado por estereotipos?

Rematamos cun parágrafo de Jorde Bucay que di: “Todos/as somos un poco como el elefante del circo: vamos por el mundo atados a cientos de estacas que nos restan libertad. Vivimos pensando que no podemos hacer montones de cosas, simplemente porque una vez, hace tiempo, cuando éramos pequeños/as, lo intentamos y no lo conseguimos. Hicimos entonces lo mismo que el elefante, y grabamos en nuestra memoria este mensaje: No puedo, no puedo y nunca podré. Hemos crecido llevando ese mensaje que nos impusimos a nosotros/as mismos/as y por eso nunca más volvimos a intentar liberarnos de la estaca. Cuando, a veces, sentimos los grilletes y hacemos sonar las cadenas, miramos de reojo la estaca y pensamos: No puedo y nunca podré”.

E isto é o que non queremos para as nosas nenas e nenos.

Agora, ollade este vídeo para ver como comezamos o proxecto. Estamos seguros/as de que vos vai gustar e que botaredes unhas risas 😊

Seynabou cumple 5 anos.

Na aula de 5 anos estivemos de aniversario, a nosa amiguiña Seynabou cumpliu 5 anos. Agardamos que o pasaras moi ben na túa festa. Parabéns Seynabou.

PROXECTO OS VOLCÁNS

Fai uns días, algo aconteceu na aula de 5.º de Educación Infantil. Tiñamos un montón de dúbidas e curiosidades de algo que todas e todos viamos na tele, no móbil, nos xornais... Que era iso dun volcán?, estaba en Carballo?...

Coñeciamos palabras como lava, explosión, fume, volcán, terremoto... pero tiñamos as ideas pouco claras. É por isto que non atopamos mellor ocasión para mergullarnos no que será o noso primeiro proxecto na clase dos medianos (xa non somos peques de 3 pero tampouco tan grandes como os de 5 🙊) e onde imos estudar OS VOLCÁNS.

Deixámosvos aquí unha pequena mostra do que estivemos facendo ata o momento e agardamos que nos acompañedes neste camiño. Seguro que todos/as xuntos aprenderemos mooooooito moito sobre este tema!! 

Xa que estamos, facémosvos unha invitación, familias 😊 Se tedes algún xornal con noticias sobre o volcán, algunha imaxe, algún libro... non dubidedes en compartilos con nós. Coidaremos moito os materias que nos aportedes e devolverémosvolos unha vez rematemos o proxecto. Grazas 💓

PROPOSTAS DE SETEMBRO

Benvidos e benvidas a todos e a todas!! Con esta primeira entrada damos comezo ás aventuras na aula de 4 anos. Agardamos que gocedes moito vendo os nosos traballiños, momentos de xogo, celebracións...

Comezamos amosándovos algunhas das propostas que realizamos no mes de setembro. Falamos das vacacións, de toooodo o que fixemos no verán, lemos contos, retomamos contacto cos amiguiños e amiguiñas, recordamos as rutinas da escola...

O verán é moi divertido pero no cole tamén gozamos moito todos/as xuntos/as!! 💓

REUNIÓNS INICIAIS

Estimadas familias:

O próximo xoves día 9 comezamos a clase pero antes diso imos ter unha reunión con vós. Nos próximos días, indicarémosvos a data, hora e lugar de dita reunión.

Ata pronto!!

O FIN DUNHA ETAPA...

O martes 22 de xuño a clase de 6º de EI estivo de celebración xa  que poñían fin a unha etapa para comezar outra nova. Nestes vídeos vai unha pequena mostra do que aconteceu neste acto, que por mor da pandemia tivo lugar na clase e sen público, por iso o compartimos con tod@s a través do Blog. 

Ese día levamos un diploma e unha orla de recordo!!

A continuación podedes ver un pequeno vídeo resumo do noso paso por Educación Inantil:   

       

O máis valioso da vida non é o que temos, senón a quen temos.

Moitas grazas a todos e a todas nos que nun momento ou outro deste bonito camiño nos atopamos e compartimos un montón de vivencias, experiencias, apoio e amizade!

Moita sorte!!!

ANIVERSARIOS DE VERÁN E FIN DE CURSO

Bo día familia!! Logo duns meses de traballo, esforzo, ilusión, xogos e momentos compartidos cos amigos, amigas, mestres e mestras no colexio, damos por rematado este curso. Sen dúbida foi un curso diferente, marcado polas esixencias da pandemia. Aínda así, foron meses especiais e que sempre gardaremos para o recordo 😊

Pese a ser o noso primeiro ano no colexio, traballamos moito moito e, estes días, estivemos preparando as bolsas para levar os traballiños do último trimestre, as postais coas nosas fotos... así que deixámosvos un pequeno vídeo para que nos vexades 👀

Hoxe, coincidindo co festexo na aula do final do curso, celebramos os aniversarios do verán pois Mauro, Bruno e Aitana están de cumple en xullo 🎈🎉🎁 Parabéns por adiantado!! Agardamos que gozásedes moito do festexo que fixemos no cole 😍

Gustaríanos facer un recoñecemento a todos os nenos e nenas que, pese a ser tan pequeniños/as, fostes uns campións e campioas durante todo o curso 🏆🏆. Fostes exemplo para todos nós resistindo as máscaras, intentando non falar cando merendabamos, sendo constantes no lavado de mans e desinfección. Agardamos que, máis pronto que tarde, poidamos abrazar como non o fixemos este curso, bicarnos e poder sorrir sen unha máscara. Polo de pronto, toca ser prudentes e coidarse moito!!

BO VERÁN E BOAS VACACIÓNS 🌞 Vémonos en setembro!!

"Qué bonito es saber que siempre estás ahí, quiero que sepas que, voy a cuidar de ti. Que bonito es querer y poder confiar, afortunado yo por tener tu amistad" (Canción "Qué bonito es querer" de Manuel Carrasco)

Aniversarios verán

Un curso mais chega ao seu remate. Foi un curso cheo de moitos e bos momentos e non queriamos rematalo sen festexar os aniversarios do verán. Unha xornada de festa por todo o alto. Ollade que ben o pasamos.

aniversarios verán.mp4 from Infantil on Vimeo.

Saída ao Bosque do Añón

Para rematar o curso 2020/21 os nen@s de Infantil fixemos unha saída ao Bosque do Añón. Mirade que ben o pasamos nesta emocionante xornada.

Paseo ao Bosque do Añón.mp4 from Infantil on Vimeo.

CONTAMOS AS LETRAS DOS NOSOS NOMES E MEDIMOS OS PES

Durante este curso comprobamos que os números están moi presentes no noso día a día. Grazas aos números sabemos cantas letras teñen as palabras, números de teléfono, matrículas de coches, o tamaño dos nosos pes... así que hoxe decidimos coller unha regla e mirar canto medían os nosos pes. Que ben o pasamos!! Gustounos moitísimo usar a regla, tanto que despois de acabar esta actividade, fixemos raias con ela.

REPASAMOS OS NÚMEROS CO OZOBOT

Onte, as nenas e nenos de 3 anos, estivemos repasando os números 1, 2 e 3 coa axuda dun robot. Sabedes como se chama? Ozobot, e camiña por encima de liñas. Primeiro, adiviñamos cal era cada número e, despois, contamos pompóns e depresores de cores e situámolos xunto ao número correspondente.

Mirade que ben o facemos 😍

SAÍMOS DE EXCURSIÓN AO BOSQUE DO AÑÓN

O pasado luns 14 de xuño, o alumnado de Educación Infantil fomos de excursión ao Bosque do Añón 🌱🌲🌳🌾🌺🌻🌼 de Carballo. Pasámolo moi moi ben e tivemos sorte de que fixo un día fantástico 🌞

Queredes ver algunhas fotiños e vídeos deste día tan especial? 👀 Ollade este vídeo que preparamos con tanto agarimo para ter de recordo desta excursión 😍

A navegar!!!!.

Aproveitando o tempo solleiro ocorréusenos facer uns veleiros para logo botar a navegar no mar do noso patio. Si, escoitastes ben, un mar no noso patio con veleiros!!! Ollade e veredes.

PARABÉNS KHAOULA!!

O venres 11 de xuño a nosa compañeira Khaoula estivo de aniversario!!! aproveitamos a ocasión para facer unha festa rachada, Khaoula fixo a súa coroa, soprou as candeas da tarta, cantámoslle cancións de aniversario, comemos a nosa merenda festeira e despois bailamos ao ritmo das nosas cancións preferidas.🍰🎈🎉 Velaí vos vai uha pequena proba deste día tan especial .

HAI NOVIDADES NA AULA DE 3 ANOS

Ola a todos e a todas!! Estes días estamos moi ocupados preparando o final de curso por iso non pasamos moito por aquí 🙊. Estamos mans á obra ultimando as portadas dos traballiños, a decoración das bolsas e algunha que outra sorpresiña. Aínda así, sacamos un oquiño para amosarvos algunhas novidades destes días.

Non sei se vos contaramos que, ao final, conseguimos que 4 vermes fixeran a súa crisálida 🐛🐛🐛🐛 Tres deles seguen alí dentro coa súa transformación pero outro xa nos dou unha grata sorpresa fai uns días 😀 Converteuse en bolboreta!! Mirade mirade 😍

Ademais, aproveitamos estes días tan solleiros 🌞 para facer actividades ao aire libre. Descubrimos que dentro do recinto do cole temos unha moreira 🍃🍃

E mentres investigabamos sobre ela, atopamos uns caracois 🐌🐌 e non podiamos volver á aula sen buscarlle un bo lugar para vivir.

Ademais, seguimos visitando e coidando a nosa horta que xa empeza a dar os seus froitos. Xa temos amorodos!! 🍓🍓🍓🍓

1.º Recollémolos

2.º Contamos cantos tiñamos e pensamos 💭 "Hai amorodos para todos/as?"

3.º Repartimos para comprobar se cada un/unha de nós podería levar un para a casa. Descubrimos que podiamos comer un amorodo cada un e, aínda así, sobraban 2.

4.º Como xa se nos botaba encima a hora de marchar, fixemos rapidamente uns paquetiños para que cada un/unha levase un amorodo para a casa. Ao día seguinte descubrimos que varios nenos/as probaran este froito que medrou con todo o noso cariño e que estaba boísimo!! 😍

Seguiremos agardando a ver se, antes das vacacións, podemos recoller algún froitiño máis para comer 😀😊

Recollendo amorodos

Hoxe os nen@s de 4 anos fomos á nosa horta, pero desta vez nada de traballar, a cousa foi ben diferente, apañamos e despois comemos os amorodos que estaban xa no seu punto de maduración. Que bos estaban!!! No seu momento houbo que darlle ao sacho pero hoxe só á nosa lingua para saborear este doce manxar.

Un espantallo para os nosos bulbos.

Acordádesvos dos bulbos que plantamos en cadasua maceta? Pois como o noso espantallo está a facer tan ben a súa labor na horta, quixemos facer un pequeno espantallo para a nosa maceta, por se algún curioso (mosquito, mosca, caracol...) se lle ocurre acercarse ó noso bulbo. Ollade que bonitos nos quedaron. E como se están acercando as vacacións decidimos levar cada un o seu bulbo para seguir cuidándoo na nosa casa.