Boa Viaxe Mateo

Velaqui un agasallo para tí de todos nós Mateo, para que recordes o teu paso polo S. Luís Romero e non te esquezas dos amiguiños que aqui deixas. Moita sorte no teu novo destino. Querémoste!!!

ANIMALARIO OUTONAL

Mirade que animalario do máis outonal montamos na aula de 4 anos. Unhas cantas follas e ..... maxia!!!!. Ratos, tiburóns, caracois....

TRABALLAMOS AS CORES E O CÍRCULO

Estes días na aula de 3 aniños estivemos traballando as cores e tamén algunha forma xeométrica como o círculo. Para iso comezamos lendo o conto Un libro de Hervé Tullet que, por certo, gustounos moito!! Logo de ver que cores aparecían nel, decidimos facer un mural coas cores azul, amarela e vermella.

Pinta que pinta descubrimos unha cousa!! Se mesturamos as cores aparecen outras novas 😀😍 Unha vez feito o mural, buscamos pola aula obxectos de diferentes cores: vermello, azul, amarelo, branco, rosa, verde e laranxa.

Velaquí vos deixamos un vídeo para que vexades canto traballamos 😊

E aquí vai outro vídeo sobre este conto para que poidades velo en familia 😊

STOP ÁS VIOLENCIAS

Hoxe, 25 de novembro, celébrase o Día Internacional contra a Violencia de Xénero e as nenas e nenos de Educación Infantil dicimos STOP ÁS VIOLENCIAS.

PARABÉNS GAEL

Hoxe o noso amiguiño Gael está de aniversario, cumple 3 aniños!! Moitos parabéns 🎈🎁 Agardamos que gozases moito da festiña do cole. Xa es super maior!! 😀😀

COÑECENDO LONDRES CON AURELIO!!

Lembrádesvos de que o alumnado de 5 anos viaxamos en avión ata Londres? Pois estes días estivemos  coñecendo a cidade coa axuda do noso amigo Aurelio: o Big Ben que é o nome que recibe a gran campá do reloxo situada no Palacio de Westminster, o "London eye" unha das maiores norias-mirador do mundo, a "Tower Bridge" unha ponte situada sobre o río Támese, o palacio de  BucKingham...Coñecemos as moedas que utilizan os ingleses para pagar, estudiamos o mapa da cidade e ata olleamos un xornal inglés!!

Como nos gustou moito o reloxo do Big Ben intentamos facer unha recreación no patio co tamaño aproximado ao orixinal e despois elaboramos unha brúxula e un reloxo!!🕐 Velaquí vos deixamos unha pequena mostra de todo o que traballamos

Esta semana ademais recitamos un poema titulado "El reloj", querédelo escoitar?? 👂👂

DIA UNIVERSAL DA INFANCIA

Hoxe, 20 de novembro, celébrase o Día Universal da Infancia. É por isto que as nenas e nenos de Educación Infantil decidimos facer un vídeo recordando os nosos dereitos.

"As nenas e nenos teñen dereitos. Que se cumplan é responsabilidade dos adultos"

PARABÉNS PABLO

Hoxe celebramos o cumple do noso amiguiño Pablo que o domingo fai 3 aniños 😀 Moitos parabéns Pablo!!! Agardamos que o pasases moooi moi ben na festiña do cole cos teus amiguiños e amiguiñas 🎈🎁

😍 QUERÉMOSTE MOITO 😍

POEMA "MI CARA" DE GLORIA FUERTES

Na clase de 3 aniños, gústanos moito escoitar unha canción que está baseada no poema titulado "Mi cara" e que foi escrito por Gloria Fuertes. Non llo digades a ninguén que é un segredo pero... escoitámola e cantámola todas as mañás despois da asemblea jijiji 😀

Como os xoves dende a biblioteca se nos convida a traballar poemas, decidimos facer unha actividade con este aproveitando que nos gusta tanto 😊 Ademais traballamos diferentes partes da cara. Foi todo un éxito a actividade!!  👏👏

Coas imaxes, fixemos unha pequena exposición diante da nosa clase.

Como podedes ver, o noso vídeo tamén foi publicado no blog da Bibliosanluís:

http://equipobibliosaluis.blogspot.com/2020/11/mi-cara.html

EN 3 ANOS FACEMOS UN EXPERIMENTO

Hoxe, na clase de 3 aniños, fixemos un experimento que nos propuxo Fidalgo, a mascota da biblioteca. Queredes ver en que consistía?

Logo de ler a proposta, puxémonos mans á obra. Velaquí tedes un vídeo 😊

Que ben o pasamos!! 😀😍 Ata está publicado o noso vídeo no blog da biblioteca: http://equipobibliosaluis.blogspot.com/2020/11/experimento-4-educacion-infantil.html

DE VIAXE A LONDRES!!

Unha vez máis Aurelio desapareceu da clase e non dou sinais de vida ata o outro día, que lle enviou un correo electrónico á profe Paula!! Na carta contounos que para ir ao seu novo destino collera o avión e que nese país a xente falaba inglés, conducían  pola esquerda e que tiñan unha moeda distinta do euro. Despois de moito matinar Aurelio desvelounos o seu destino: estaba en Reino Unido, máis concretamente en Londres!!!

Aurelio deixounos para colorear a bandeira deste país, un billete e un pasaporte para cada un de nós!!Porque credes que nos deixou todo isto?? Pois si!! Para viaxar ata Londres e así o fixemos!! 

Tivemos que ensinar o billete, o pasaporte e coller a nosa equipaxe. A azafata de voo deunos instruccións do que tiñamos que facer unha vez que subimos no avión e ata nos serviu café !!! Tanto o despegue como a aterrizaxe transcorreron sen incidencia. ✈

ARTE NO OUTONO

 Os nenos e nenas de 5 anos seguimos gozando da estación na que estamos, desta vez aproveitamos as follas e froitos caídos para desplegar a nosa creatividade, queredes ver o que fixemos? 👀

O MONSTRO DE CORES

Estes días os/as máis peques do cole estivemos a traballar o conto O monstro de cores que trata sobre un monstro que esta confundido coas súas emocións. Logo de lelo varias veces decidimos facer un pequeno vídeo coas nosas caras de alegría, tristeza, rabia, medo e calma. Queredes velo? 😀

Esta será unha das nosas aportacións ao Proxecto Documental Integrado da biblioteca que este curso leva por título "Conto coa túa emoción" 💓

Agora deixámosvos un vídeo sobre o conto por se vos apetece velo coa vosa familia 😊

ROBÓTICA OUTONAL

Este xoves na aula de 3 aniños traballamos cunha abelliña moi especial. Chámase Bee Bot e é un robot. Sabedes que fixemos con ela? Coñecemos diferentes froitos do outono e traballamos cuestións de lóxica-matemática como o conteo. Mirade que ben o pasamos 👀 Gustounos tanto que imos repetir moitas máis veces 😀😍

TRABALLO POR RECUNCHOS NA AULA DE 3 ANOS

Nalgúns momentos da xornada, as nenas e nenos de 4.º de Educación Infantil xogamos por recunchos. Velaquí vos deixamos unha pequena mostra dalgúns deles 😊

Recuncho da arte, neste caso dando renda solta á creatividade e á imaxinación. Somos artistas!!🎨 Tamén temos plastilina para facer creacións libres.

Recuncho de lectoescritura, onde facemos as iniciais dos nosos nomes con plastilina, comezamos a asociar algunhas das nosas letras, "lemos" contos... 📚

Recuncho do xogo simbólico, cun mercado, cociña, bonecos... 🍏🍋🍊

Recuncho de lóxica matemática, con pezas LEGO e de madeira para construcións, propostas de asociar números coa cantidade, recoñecemento de cores...

Recuncho dos animais e os coches 🐴🐶🐷🚒🚗

"Xogar é a forma favorita do noso cerebro para aprender" Diane Ackerman

PARABÉNS DIEGO

Hoxe o noso amiguiño Diego cumpliu 3 aniños!! Que maior 🎈🎉🍰 Velaquí vos deixamos un vídeo da super celebración que fixemos no cole, que ben o pasamos. Sen dúbida, o confeti encántanos 😀😍

💓 MOITOS PARABÉNS DIEGO💓 

CANTO MIDE A TORRE DE HÉRCULES?

Despois de ver fotos de Aurelio xunto a Torre de Hércules preguntámonos: e canto medirá a Torre de Hércules? 

Buscamos información en varias páxinas de internet e chegamos á conclusión de que mediría aproximadamente 68 metros de altura pero ... canto era 68 metros?

Para atopar a solución probamos varias opcións mirade, mirade...👀

Nagore cumple 4 anos

Hoxe festexamos o aniversario da nosa amiga Nagore que onte cumpliu 4 aniños!!!! Parabéns!!

CAMIÑOS!!

Aurelio fíxonos saber que para desprazarse de Carballo a Vimianzo e de Carballo á Coruña colleu o autobus!! Ensinounos a mirar os horarios por internet da estación e despois deixounos uns mapas nos que amosaba cales foran as rutas que fixo. 

Aurelio deixounos un pequeno robot ("Ozobot") para que simulara os recorridos que fixo el nos buses. 

NA TORRE DE HÉRCULES!!

 Aurelio volveu a sorprendernos con outro destino!!! Desta vez elixiu a torre de Hércules como refuxio!!! E enviounos a través do tempo a un romano 😵que nos explicou a historia e as lendas que xiran en torno á Torre de Hércules e ademais tróuxonos uns agasallos!!!

POR VIMIANZO!!!

Lembrádesvos de que Aurelio estaba desaparecido e non o atopabamos por ningún sitio, pois apareceu!!!! Resulta que nos escribiu unha carta desculpándose por non avisar da súa marcha e desvelounos cal foi o seu destino: como andan na súa procura deciciu ir de torre en torre.  As primeiras que elixiu para esconderse foron as torres de Martelo en Vimianzo!!

Ademais da carta, enviou a través do tempo á unha muller irmandiña para explicarnos a historia do castelo!! Despois descubrimos outra palabra segreda: artesanía, xa que na actualidade no castelo de Vimianzo realízanse distintas actividades: palillar, olería. deseño de xoias... Pois Aurelio tróuxonos barro para poder modelar e fixemos unha chea de figuriñas.

Despois de escoitar a historia do castelo animámonos a modelar o barro que nos trouxo Aurelio, mirade que vén se nos dá!!👀

Samaín 2020

Como nos gusta o Samaín na aula de 4 anos, celebración terrorífica e monstruosa. Pantasmas, morcegos, conxuros.... ja,ja,ja... Ollade, ollade e veredes!!!

Chegou o outono

Na aula de 4 anos chegou o outono, proba deso foi a caída das follas das árbores que nós mesmos comprobamos. Ollade e xa veredes canto xogo nos deron. Viva o outono!!!!

Aniversarios na aula de 4 anos

Na aula de 4 anos estivemos de aniversario. Sabedes quenes foron os primeiros en cumplir este curso? Seynabou e Mateo. Mirade que ben o pasamos. Parabéns chicos!!!!!

VÍDEOS DAS PROPOSTAS DA BIBLIOTECA

Dende a biblioteca e para celebrar o Samaín, propuxéronsenos diferentes actividades. Velaquí vos deixamos uns enlaces para que, pinchando neles, accedades ao blog da biblioteca para poder ver os vídeos:

🎃 Fotos terroríficas para espantar ao coronavirus:

http://equipobibliosaluis.blogspot.com/2020/10/espantando-ao-coronavirus.html

🎃 Decoración de máscaras terroríficas e de ventás:

http://equipobibliosaluis.blogspot.com/2020/11/mascaras-terrorificas-e-medos-fora.html

Agardamos que vos gusten!

DECORACIÓN DE SAMAÍN NA AULA DE 3 ANOS

Estes días, na clase de 3 aniños estivemos realizando cousiñas para decorar as ventanas. Fixemos monstros 👾 pantasmas 👻 e cabazas 🎃. Velaquí tedes un pequeno vídeo de como fixemos as pantasmas.

E aquí tedes unha imaxe de como quedaron as nosas ventás. Fixádevos ben, detrás dos cristais hai unhas cariñas ben bonitas que vos queren saudar 😍

E agora unha mostra dos nosos disfraces terroríficos 👻💀👿