Hugo cumple 5 anos

Hoxe estivo de aniversario o noso amigo Hugo, cumpliu nada mais e nada menos que 5 aniños. Que maiores estamos.!! Parabéns Hugo!!

Como medran os nosos bulbos

Acordádesvos que en xornadas anteriores plantaramos uns bulbos de flores? Algúns están comenzando a xerminar.

Outros correron mais e xa medraron o seu. 

Dentro de pouco esperamos que florezan, da gusto ver as nosas macetas.

Cos coidados que lles proporcionamos seguramente vexamos pronto algunha flor.

CANTO SABEMOS XA DE MARROCOS!!!

Estes días estivemos recopilando toda a información que fomos recollendo ao longo destes dous últimos trimestres sobre Marrocos, categorizámola e despois gravamos un vídeo recordando todo o aprendido.  Foi todo un pracer poder coñecer o país das nosas compañeiras, Khaoula e Douae 💗💚💛💜💙

ESCRIBIMOS A INFORMACIÓN

UN CONTO SOBRE MARROCOS.... "LA REINA TROTAMUNDOS POR MARRUECOS"

Volta á horta

Nestes días fomos á horta ver como estaba a nosa plantación e etiquetámola Aproveitamos tamén para facer uns baladiños entre planta e planta. Unha vez alí levamos algunha que outra sorpresa. Acordádesvos que as nosas leitugas desapareceran?, pois non contentos con todo os intrusos desta vez leváronnos tamén algún que outro pemento. Pero aínda así, quixemos arriesgar e plantar cabazas de Samaín, cabazas cacahuete e calabacín. Esperemos na próxima visita non levarnos mais sorpresas desagradables, a estes intrusos quédanlle os días contados xa que estamos finalizando a execución de algo que os vai escorrentar, xa vos manteremos informados.

A QUE ANDAN ESTES DÍAS AS NENAS E NENOS DE 3 ANOS?

Bo día familias!! Queredes saber a que andamos estes días as nenas e nenos de 3 aniños? Pois ben, ímosvos contar.

Este xoves, aproveitando que estaba un día tan bo 🌞 fomos á horta para quitar herbas malas, revisar como estaban os nosos cultivos e plantar algún novo. Neste caso cultivamos máis amorodos, cabazas de Samaín, cabazas cacahuete e unha planta de caléndula para intentar que os bichiños non coman os nosos cultivos.

Ademais, observamos en que estado estaba a nosa horta 👀

• Os amorodos xa se deixan ver, agora teñen que medrar e madurar e seguro que moi pronto poderemos botarlle o dente 🍓🍓 
• Das cenorias non hai nin rastro, aínda non se deixan ver 🙈
• Das 11 leitugas que plantamos soamente quedan 3 😢😢 semella que aos paxariños e caracois lles encantan!! Ademais, tamén comeron as folliñas dun dos nosos pementos.
• Polo demais, todo medra con normalidade, só nos queda ter paciencia!!

Queremos contarvos tamén que os nosos vermes de seda téñennos moi intrigados 🐛🐛 Temos dúas crisálidas que xa levan un tempo formadas e, do xoves para o venres, vimos como un vermiño xa ben gordecho e grande comezaba a facer a súa, así que en total temos 3. Cando se deixarán ver as bolboretas? Estamos ansiosos/as!!!

Ademais, aconteceunos algo moi curioso!! Cando o encargado/a do día se dispoñía a darlle de comer aos vermes logo da asemblea, descubrimos que un saíra da caixa!! Estaba pousadiño na mesa do recuncho da eiruguiña. Como saíra da caixa? Non sabiamos ben, só nos quedaba axudarlle a volver a ela para que seguise comendo as súas follas de moreira.

Finalmente, contarvos que estes días incorporamos nun dos recunchos uns materiais que nos gustaron moito: pequenas pedras e cunchas de diferentes tamaños para facer moooooitas creacións e xogos 😍

Ata a próxima!! 😘

DE NOVO NO HORTO!!!

Hoxe como saiu o sol, os nenos e nenas de 6º de Educación Infantil, fomos ata o noso horto ver como estaba a colleita, en xeral, estaba todo en bo estado agás as leitugas que apareceron algo comestas, non sabemos se por paxaros ou por caracois, teremos que buscar unha solución para que poidan medrar tranquilas😕 Os pementos, os alloporros, os amorodos e a menta seguen medrando con normalidade.

O primeiro que fixemos ao chegar foi arrincar as herbas malas, que xa había unhas cantas!!! Despois quixemos aumentar a plantación e cultivamos cabaciñas, cabazas para o Samaín e cabazas cacahuete. Unha vez que plantamos todo con moito esforzo e agarimo regamos a colleita para que medren moito. Velaí vos vai unha pequena mostra do que fixemos.... ata outra!!🌷🌾🌿🌼🍅🍃

UN AGASALLO PARA UN DÍA ESPECIAL

 A semana pasada ademais de facer as actividades para o Día das Letras Galegas estivemos moi centrados/as tamén nunha data moi especial: o 15 de Maio Día da Familia. Para agasallar ás nosas familias tiramos de creatividade e moldeamos con pasta o pé dun portafotos, velaí vos deixamos unha pequena mostra de como fixemos todo, agardamos que vos guste😊💝

DIA DA FAMILIA.mp4 from PATRICIA on Vimeo.

LETRAS GALEGAS 2021

 A semana pasada os peques de 6º de Educación Infantil estivemos coñecendo mellor a homenaxeada deste ano no Día das Letras Galegas: Xela Arias. Despois de afondar un pouco na súa vida e de escoitar algúns dos seus poemas decidimos poñernos mans á obra e facer o seu retrato e recitar un dos poemas do seu libro: "Darío a Diario". Agardamos que gocedes do froito do noso esforzo😊👀👂

PARABÉNS DYLAN!!

Este venres estivemos de celebración: o noso amiguiño Dylan cumpliu 6 aniños!!🎈🎂👑🎁 Pasámolo en grande cantámoslle o parabéns para ti, soprou a candea, tivemos merenda festeira e despois bailamos e xogamos un  montón. Velaí vai unha pequena mostra do acontecido no día...

FELIZ DÍA DA FAMILIA

Hoxe, 15 de maio, celébrase o Día da Familia. Familia son as mamás, papás, avós, avoas, irmáns, irmás, persoas que nos coidan e axudan, madriñas, padriños... Familia é amor, comprensión, respecto, coidado, seguridade, apertas, bicos... 💓💙💚💛💜

"Xuntos/as imos descubrir, o mundo que aínda está por vir" Canción "Vén conmigo" de María Fumaça

FELIZ DÍA DA FAMILIA!!

PLANTANDO BULBOS

Collémoslle o gusto a esto de plantar. Desta vez tocou plantar cadaseu bulbo nunha maceta,agora toca esperar que floreza. Mirade que ben o pasamos.

MALAS NOVAS NA HORTA

O xoves pasado cando ibamos todos contentos a regar e quitar as malas herbas á nosa horta, levámosnos unha sorpresa ben desagradable, as nosas leitugas non estaban. Que pasaría? Pensamos varias cousas: Nos caracois, que o sal non fora o suficientemente eficaz para escorrentalos ou tamén nos paxaros, sobre todo unhas rulas que sempre están cando saimos ao patio. A nosa cabeza estivo dando voltas para atopar algunha solución, así que chegamos á conclusión que tiñamos que facer algo que espantara aos paxaros.

PLANTANDO NA HORTA

Fai unhas semanas os nenos de 4 an@s fomos á horta plantar unhas cantas cousiñas (leitugas, pementos de padrón e morrón, amorodos e allos porros). Como bos labregos primeiro tivemos que preparar a terra para poder plantar, que estaba a campo despois de tanto tempo, pero nada imposible para nós co sacho, pá , rastrillo, regadeira na man.... no menos que canta un paxaro xa tiñamos todo a punto para empezar a plantar. Así que a poñer no seu burato as plantas e agardar que medren cos coidados que lle proporcionamos e coa luz do sol. Esperamos ensinarvos pronto os froitos!!!!

SEMANA DO LIBRO

Na semana do 19 ao 23 de abril celebramos a Semana do Libro. Ollade que actividades máis divertidas fixemos.

SEGUIMOS TRABALLANDO NO HORTO

Estes días, os/as peques do cole seguimos traballando sobre cuestións referidas ao horto. Aproveitamos para escribir, contar, experimentar, investigar... 😀 Cada vez sabemos máis cousas!!!

Contarémosvos que estamos un pouco tristes 😭😰Polo cole hai uns paxariños aos que lles resultaron moi apetecibles as nosas leitugas e... coméronas case todas!! 

Hoxe descubrimos para que servía o hotel de insectos que tiñamos nun recuncho da aula dende fai unhas semanas.

Agora, coa axuda de Alberto, colocarémolo preto do noso bancal da horta 🐜🐝🐞

GRAFOMOTRICIDADE DIVERTIDA

Boa tarde!! Hoxe queremos amosarvos unha actividade que fixemos as nenas e nenos de 3 aniños. Estivemos pacticando exercicios de grafomotricidade con pedriñas e pompóns de cores 😀 Queredes ver que ben o fixemos?? 😍

Agora imos actualizarvos de como están os nosos vermes de seda 🐛

O venres da semana pasada, vimos que había dous vermes na parede da caixa, algo que nunca acontecera ata o momento. Por que estarían alí? Que estarían buscando?

O luns obtivemos a resposta!! Os vermes estábanse preparando para facer a crisálida 😀 A profe contounos que, durante a fin de semana, observou como ían construíndo a súa casiña, onde están aproximadamente 2 semanas ata que se converten en bolboretas. Velaquí vos deixamos unhas fotos.

Ademais, seguimos alimentándoos con follas de moreira. Hoxe démoslle 3 follas grandes e 2 pequenas, 5 en total.

Agora mesmo temos 28 vermes e, de vez en cando, observamos que hai algún pequeniño que vai saíndo dos ovos.

A verdade é que estamos moi entusiasmados/as con eles e gústanos moito observar como medran, como cambian...

PLANTAMOS A HORTA

A semana pasada, as nenas e nenos de 3 aniños, plantamos a horta 🍅🍓🌱 Puxemos mandilóns, botas ou zapatos vellos e collemos os apeiros: pas, rastrillos, caldeiros, regadeiras, as plantas para cultivar...

Que ben o pasamos!! Queredes ver como disfrutamos e aprendemos? Mirade, mirade 👀

Agora temos que ter paciencia, dedicarlle tempo e cariño aos nosos cultivos para que medren!! Estamos agardando ver os primeiros froitos 😀 Xa vos iremos ensinando.

Carlos cumple 5 anos

Na aula de 4 anos rematamos o mes de abril co aniversario do noso amiguiño Carlos. Parabéns no teu quinto aniversario.

APRENDENDO NO HORTO!!!

Fai uns días, os nenos e nenas de 6º de Educación Infantil, gozamos un montón cultivando plantas no noso horto, primeiro estivemos estudiando as características dos produtos e das plantas que íamos cultivar, despois fomos ao horto preparar a terra e posteriormente plantamos: pementos morróns, pementos de padrón, cenorias, alloporros, amorodos, leitugas e unha planta aromática que se emprega moito en Marrocos para facer té: menta!!!

Encantounos esta actividade e estamos desexando volver a coidar das nosas plantas e ver como medraron, xa vos iremos poñendo ao día de todo, aquí podedes ver como foi todo o proceso, agardamos que vos guste!!😊

Despois de cultivar no horto quixemos sacar o nos lado máis artístico na clase, primeiro analizamos bodegóns de distintos pintores e despois cada un de nós quixo facer o seu propio bodegón empregando a súa creatividade e orixinalidade. Queredes ver como quedaron? 👀Pois velaí vai unha pequena mostra!!!