DÍA INTERNACIONAL CONTRA O ACOSO ESCOLAR (6.ºEI)

O día 2 de maio celébrase o Día Internacional Contra o Acoso Escolar. As nenas e nenos de 6.º de Educación Infantil preguntámonos: que é acoso? Logo de facer unha chuvia de ideas, chegamos á conclusión de que esa palabra facía referencia a pegar, dicir cousas feas aos demais, apartar do grupo...

Aproveitamos este día para ler o conto Orellas de bolboreta. Conta a historia de Mara, unha nena que sobre burlas continuas das súas compañeiras e compañeiros.

Puxémonos na pel de Mara e identificamos como nos sentiriamos se nos fixesen iso a nós, así como tamén aprendemos que non facer nada nestas situacións tamén é facer dano.

PROPOSTAS DE INVERNO

Estes días, na aula de 6.º de Educación Infantil, estivemos a realizar algunhas propostas de inverno, coas que traballamos o conteo, a relación número-cantidade, convertémonos en artistas e fixemos neve ☃❄
Velaquí unha pequena mostra dalgunhas das actividades 😍 Sen dúbida o que máis nos gustou foi a neve!! Xa que aquí en Carballo non a podemos ver, conservámola na tuff tray para seguir xogando con ela 😀

AGASALLOS DE NADAL PARA A AULA DE 6.º EI

O luns 9 de xaneiro, volvemos ao colexio!! Un novo ano, moitas experiencias que contar do Nadal e novas ilusións de cara a este trimestre 😊 As nenas e nenos de 6.º de Educación Infantil dispuxémonos en semicírculo para contar o que máis nos gustou das vacacións, que fixeramos... cando nos decatamos de que había unha carta para nós colgada na clase!! Se queredes saber cal era o seu contido e que pasou a continuación, ollade este vídeo 😍

MISIÓN 1: INSTALACIÓN SOBRE O UNIVERSO (AULA 6.ºEI)

Fai uns días, Alberto tróuxonos un paquete que lle deixaran para nós. Viña de parte de Fidalgo e propoñíanos unha misión!! Mirade, mirade 👀 

OBSERVAMOS E EXPERIMENTAMOS CON FROITOS DO OUTONO

As nenas e nenos de 6.º de Educación Infantil levamos uns días traballando sobre o outono. Nesta entrada ímosvos amosar algunhas das actividades realizadas.

ARTE CON FROITOS DO OUTONO. Realizamos unha composición con diferentes froitos do outono e, cada un/unha, debía debuxar o que vía dende a súa perspectiva. Coloreamos as nosas obras de arte e colocámolas na entrada do colexio xunto á exposición do proxecto da biblioteca titulado "Cóidome, cóidote, coidámonos".

PROBAMOS FROITOS DO OUTONO: pera, mazá, granada, uvas

DEBULLAMOS MILLO

DECORAMOS A PORTA DA AULA

As nenas e nenos da aula de 6.º de Educación Infantil temos moitos traballiños pendentes para amosarvos. Como sabedes, estamos a estudar sobre o universo, así que fixemos unha decoración moi divertida para a porta da nosa aula. O que máis nos gusta é vernos co traxe de astronauta!! 😍

FACEMOS PRATOS PRIMAVERAIS

A primavera... que estación tan bonita, cantas flores!!! 🌸🌷🌹🌺🌻🌼 Na aula de 5.º de Educación Infantil saímos ao patio en busca delas para facer unha manualidade. Mirade que argallamos desta volta 😍

Xa pensastes en que lugar das vosas casas ides colocar estes platiños tan fermosos? 💓

EN 5.º EI FACEMOS VIDREIRAS PRIMAVERAIS

Coa chegada do mes das flores, en 5.º de Educación Infantil decidimos que era un bo momento para cambiar a decoración das fiestras da aula. Nesta ocasión, fixemos unhas vidreiras con forma de flores 🌸🌹🌷🌺 e bolboretas. Permitíronnos repasar as cores, seguir practicando o manexo da tesoira e deixar voar a nosa creatividade e imaxinación á hora de combinar as cores.

Aquí vos deixamos un pequeno vídeo do proceso 😍

Agora estamos agardando ver o reflexo do sol 🌞 a través delas, que seguro encherá de cor a nosa aula 💖

OS KANDINSKYS DO SAN LUÍS

Na aula de 5.º de Educación Infantil, estivemos a traballar estes días cun cadro de Kandinsky.

Grazas a el, traballamos numerosos conceptos como:

• Formas xeométricas: rectángulo (base do cadro), cadrado e círculo.
• Tamaños grande/pequeno.
• Conceptos encima/debaixo á hora de pegar os círculos.
• Conceptos dentro/fóra.
• Concepto igual/diferente.
• Practicamos o manexo da tesoira.
• Repasamos as cores.
• Contamos o número de cadrados e de círculos.

Velaquí o resultado final das nosas artistadas 😍💖

O NOSO AGASALLO PARA OS PAIASOS E PAIASAS DE GALICLOWN

Como sabedes, en Educación Infantil estamos desenvolvendo o proxecto titulado "Baixo a mesma carpa de crochet" onde traballamos a igualdade no mundo do circo. Na procura de relacionar a súa temática co Día Escolar da Non Violencia e a Paz (30 de xaneiro), abordamos a temática dos paiasos e paiasas dos hospitais. 

Por este motivo, puxémonos en contacto con Galiclown. Na aula de 5.º de Educación Infantil, preparámoslle este agasallo feito con mooooito moito cariño, para agradecerlle todo o que fan para sacarnos sorrisos en momentos difíciles 💗

Velaquí vos deixamos tamén algúns vídeos que estivemos a ver na clase 😊

DEBUXAMOS COA TÉCNICA DO FOLIO XIRATORIO

A semana pasada, na aula de 5.º de Educación Infantil puxemos os mandilóns e mans á obra coas nosas artistadas!! Desta volta fixemos diferentes debuxos coa técnica do folio xiratorio. Sabedes en que consiste? As profes dábannos unhas indicacións e nós debuxabamos o que nos dicían. Logo de cada frase, dabámoslle o noso folio ao compañeiro ou compañeira do lado, el/ela dábanos o seu e continuabamos. Así, conseguimos facer estas marabillas 😍

Había que debuxar unha persoa, coa cara beeen redondiña. Dous ollos, unha nariz en forma de triángulo, unha boca e dúas orellas. O pelo era rizo. Debuxámoslle o corpo, os brazos e as perniñas e situámolo ao carón dunha flor, un día soleado. Engadimos tres corazóns 💖💖💖

Mirade como as mesmas indicacións deron resultados tan diferentes e tan bonitos 😀

O NADAL NA AULA DE 5.º EI

As nenas e nenos de 5.º de Educación Infantil levamos moito tempo traballando e preparando cousiñas para a chegada do Nadal: postais, adornos para as nosas árbores 🎄, a carta de Papá Noel 🎅, decoramos as bolsas dos traballiños... Mirade este vídeo para ver canto traballamos 😍💕

Bo Nadal a todos e a todas!! Que o 2022 veña cheo de cousas boas 🌟⭐

DÍA INTERNACIONAL DAS PERSOAS CON DISCAPACIDADE

Onte, 3 de decembro, celebramos o Día Internacional das Persoas con Discapacidade. Ao longo destes días, en 5.° de Educación Infantil, estivemos coñecendo a Adiaratou Iglesias Forneiro, unha atleta galega que tivo o seu recoñecemento nos Xogos Paralímpicos. Grazas Adi por ensinarnos tanto coa túa historia de superación 💓

Queredes ver as propostas destes días? Mirade o seguinte vídeo 😍

A continuación deixámosvos algúns dos vídeos que estivemos vendo estes días e que nos axudaron a reflexionar sobre a importancia do esforzo, o respecto, a comprensión, a tolerancia... Viva a diversidade!! 💓💙💚💛💜

Se picades no seguinte enlace, accederedes ao blog da Bibliosanluís onde podedes ver un vídeo sobre o Día da Discapacidade en todo o colexio:

http://equipobibliosaluis.blogspot.com/2021/12/dia-internacional-das-persoas-con.html

RECIBIMOS A VISITA DUN GATIÑO

Fai uns días, veu de visita ao colexio o gatiño dos nosos veciños/as 🐱. Na aula de 5.º de Educación Infantil estabamos tan contentos/as e entusiasmados/as que aprazamos o traballo que tiñamos planificado para saír ao patio e debuxalo. Mirade que preciosidade de debuxos 😍

25N: Día Internacional contra a Violencia de Xénero

Onte, 25 de novembro, celebramos o Día Internacional contra a Violencia de Xénero. Queredes ver que fixemos para celebralo? Mirade este vídeo da aula de 5.º de Educación Infantil 👀

Que vos pareceu a instalación? A nós gustounos moito o resultado final 😍 Con ela quixemos representar dúas cousas: por unha banda, cos zocos (que fixeron as nenas e nenos de 1.º de Educación Primaria) que todos e todas camiñamos xuntos cara a igualdade. Por outro lado, coas regadeiras das que colgan pingas con palabras fermosas esperamos que nos empapen de valores para loitar contra as desigualdades 💪💪

Ademais, traballamos o conto El elefante encadenado. Con el aprendemos que todos e todas podemos liberarnos desa estaca á que calquera de nós pode permanecer atado/a. Agardamos que, unidos/as, avancemos no camiño da igualdade. Se queredes escoitar esta historia, premede na portada do libro para ver un contacontos.

O NOSO VOLCÁN ENTRA EN ERUPCIÓN

Boa tarde a todos e a todas!! Hoxe, dende a aula de 5.º de Educación Infantil, queremos amosarvos un experimento que realizamos e co que simulamos a erupción do volcán. Con moita pacencia e esforzo, preparamos o noso volcán con plastilina e tamén a súa contorna con plataneiras, herba, casas... Mirade, mirade 👀

Cando xa o tiñamos feito, realizamos o experimento, así como tamén explicamos para todos e todas vós todo o que aprendemos con este proxecto.

Nenos e nenas, as mestras e mestres queremos dicirvos que estamos moi orgullosos/as de vós 😍 fixestes un magnífico traballo 💓 Parabéns!! 👏👏

QUE É UNHA BANDEIRA?

Na aula de 4 anos, seguimos co Proxecto sobre os volcáns. Desta volta, aprendemos que era unha bandeira, que cada bandeira é diferente e descubrimos que as bandeiras de Galicia e A Palma tiñan as mesmas cores 😀 Sabedes que cores son? Ollade este vídeo 😍

SAMAÍN 2021

O venres 29 de outubro, celebramos a festa do Samaín🎃 Xa levabamos días facendo cousiñas relacionadas con esta temática pero este día foi o broche final. Na aula de 5.º de Educación Infantil fixemos cabazas coa mestra de inglés, pantasmas con ChupaChups, disfrazámonos, elaboramos cabazas coas nosas familias e máis cousiñas. Se queredes saber que ben o pasamos nesta celebración, mirade o seguinte vídeo 👀

Ao longo destes días tamén lemos varios contos relacionados coa temática. Se picades sobre as súas portadas, podedes ver e escoitar algúns deles en familia 💓

FACEMOS UNHA MANUALIDADE DO OUTONO

Como xa sabedes, estamos na estación do outono 🍂🍁🍃 No patio hai moitas follas caídas, noces... así que na aula de 5.º de Educación Infantil decidimos facer unha manualidade moooooi especial. Usando caixas de cartón elaboramos un fermoso cadro para a nosa aula. Queredes ver que chuli nos quedou? 😍😍

Moitas grazas familias por aportar as tapiñas das caixas 😊 Agardamos que vos guste o resultado final!!

PROPOSTAS DE SETEMBRO

Benvidos e benvidas a todos e a todas!! Con esta primeira entrada damos comezo ás aventuras na aula de 4 anos. Agardamos que gocedes moito vendo os nosos traballiños, momentos de xogo, celebracións...

Comezamos amosándovos algunhas das propostas que realizamos no mes de setembro. Falamos das vacacións, de toooodo o que fixemos no verán, lemos contos, retomamos contacto cos amiguiños e amiguiñas, recordamos as rutinas da escola...

O verán é moi divertido pero no cole tamén gozamos moito todos/as xuntos/as!! 💓