CORRECTO OU INCORRECTO?

Na aula de 6.º de Educación Infantil gústannos moito as matemáticas, polo que aproveitamos para facer unha actividade de maiores!! Desta volta, traballamos as sumas e restas cos conceptos de engadir (+) ou quitar (-).

👉Aprendemos que para sumar hai que engadir elementos e para restar quitalos.

👉Traballamos con paus de cores e pop its para facer as operacións de xeito manipulativo.

👉Unha vez comprobamos cal era o resultado da operación indicada, deduciamos se a tarxeta era correcta ✅ou incorrecta ❌ e colocabámola no panel correspondente.

ESTUDAMOS AS FABAS

Dende a aula de 6.º de Educación Infantil tiñamos pendente amosarvos unha actividade realizada xa fai unhas semanas. Recordades que para conmemorar o Día de Rosalía preparamos caldo?

Pois ben, as nenas e nenos de infantil estudamos un dos seus ingredientes: as fabas. Velaquí todo o que fixemos para aprender cousiñas delas 😍

SUMAMOS CON POLICUBOS

Na aula de 6.º de Educación Infantil seguimos exprimindo ao máximo as nosas cabeciñas. Fai uns días fixemos sumas con policubos e descubrimos que somos uns/unhas cracks!! Entendémolas mooooi ben 😀😍

Encántanos este agasallo que recibimos polo Nadal. Estanos a dar moito xogo 😄

PROPOSTAS DE INVERNO

Estes días, na aula de 6.º de Educación Infantil, estivemos a realizar algunhas propostas de inverno, coas que traballamos o conteo, a relación número-cantidade, convertémonos en artistas e fixemos neve ☃❄
Velaquí unha pequena mostra dalgunhas das actividades 😍 Sen dúbida o que máis nos gustou foi a neve!! Xa que aquí en Carballo non a podemos ver, conservámola na tuff tray para seguir xogando con ela 😀

AGASALLOS DE NADAL PARA A AULA DE 6.º EI

O luns 9 de xaneiro, volvemos ao colexio!! Un novo ano, moitas experiencias que contar do Nadal e novas ilusións de cara a este trimestre 😊 As nenas e nenos de 6.º de Educación Infantil dispuxémonos en semicírculo para contar o que máis nos gustou das vacacións, que fixeramos... cando nos decatamos de que había unha carta para nós colgada na clase!! Se queredes saber cal era o seu contido e que pasou a continuación, ollade este vídeo 😍

COMEZAMOS UN NOVO PROXECTO

Na aula de 6.º de Educación Infantil, comezamos un novo proxecto!! Velaquí un pequeno resumo do que estivemos a facer estes días:

Unha vez escollido o tema do universo, falamos sobre o que sabiamos e que queriamos saber. Velaquí o rexistro que fixemos 🌞🌠🌙🌚🌍

PREPARAMOS ENSALADA DE LEITUGA

As nenas e nenos de 5.º de Educación Infantil traballamos duramente na horta este trimestre: plantamos, regamos, arrincamos herbas, démoslle cariño aos cultivos... e tanto esforzo tivo a súa recompensa. A semana pasada, recollemos 4 leitugas e, dado que non había unha para cada un/unha de nós, decidimos facer unha ensalada.

Queredes ver como a fixemos? Mirade, mirade 👀 pois tamén tivemos que ir ao supermercado para comprar ingredientes 😀

A ensalada non é o prato favorito dalgúns de nós pero o importante é ir probando novos alimentos!! Pouco a pouco, collerémoslle o gusto 😋

LECTOESCRITURA E LOXICA-MATEMÁTICA DA HORTA

Na aula de 5.º de Educación Infantil, imos traballar moito este trimestre sobre a temática da horta 🍅🌿🌱. Nesta publicación ímosvos amosar algunhas das cousiñas que estivemos a facer estes días.

XOGOS DE LECTOESCRITURA E LÓXICA-MATEMÁTICA, cos que traballamos:

• Conteo e identificación de números.
• Asociación de números coas tarxetas dos dedos das mans.
• Sumas sinxelas.
• Escritura de números.
• Axudándonos das tarxetas de tres partes elaboradas para a ocasión, asoociamos as imaxes coas palabras correspondentes.
• Identificamos as palabras referidas a cada imaxe, as súas letras e escribímolas con letras de madeira.

Acudimos á biblioteca en busca de CONTOS E LIBROS SOBRE A TEMÁTICA.

Aproveitando a mesa de luz, ESCRIBIMOS O NOME DALGÚNS CULTIVOS que imos plantar.

ROBÓTICA NUMÉRICA

Estes días, na aula de 5.º de Educación Infantil estivemos a traballar co escornabot, un robot moi similar ao BeeBot que xa manexamos outras veces. Desta volta, traballamos o recoñecemento de números, o conteo e a súa localización nas tarxetas dos dados e dos dedos das mans.

Aprender con este tipo de robots é éxito asegurado!! 😍😍

REMATAMOS O 2.º TRIMESTRE

Agora si, damos por rematado o 2.º trimestre!! Dende a aula de 5.º de Educación Infantil deixamos aquí un pequeno vídeo co produto final sobre o noso proxecto dos animais da contorna. Agardamos que se vexa reflectido nel todo o que traballaron e se esforzaron os nosos nenos e nenas que, sen dúbida, se mantiveron motivados e ilusionados todo este tempo 😃😍

Pronto máis e mellor. Recargade as pilas para a recta final deste curso 😊 Felices vacacións familias e nenos/as💖

EN 5.º EI RETOMAMOS O HORTO

Esta semana, as nenas e nenos de 5.º de Educación Infantil, aproveitamos uns raíños de sol 🔆para volver ao horto. Bueno... en realidade, deixara de ser un horto para ser unha selva!! Cantas herbas!!! 🌱🌱🌾🌾🌿🌿 

Comezamos a preparalo para poder plantar á volta das vacacións de Semana Santa. Velaquí o que fixemos 😊

Quitamos herbas🌿🌿

Separamos pedras, lixo, cultivos que quedaron do ano pasado e caracois🐌🐌 Contamos o número de cenorias e patacas recollidas e fixemos o reparto para poder levar unha pequena mostra para as nosas casas.

Preparamos unha listaxe para que a profe vaia mercar os cultivos para plantar á volta das vacacións

Ata aquí 2 horas de duro traballo e moita terra na roupa e nos calcetíns 💪 Á volta das vacacións máis!! 🌱🌿

O PESO E O TAMAÑO

Como sabedes, na aula de 5.º de Educación Infantil estamos desenvolvendo un proxecto sobre os animais da contorna. Estes días, estivemos rexistrando información sobre os ourizos e, como non, apuntamos cal era o seu tamaño máximo e mínimo e tamén o seu peso.

Usamos mooooitos instrumentos: básculas, unha regra, un metro e unha cinta métrica. Queredes ver como traballamos? Mirade, mirade 😍

AS REGRETAS EN 5.º EI

Esta semana na aula de 5.º de Educación Infantil, introducimos un novo material: as regretas. Son pezas de diferentes cores e, cada cor, representa un número do 1 ao 10.

O primeiro que fixemos foi elaborar, entre todos/as, unha plantilla onde as debuxamos en orde ascendente, así como elaboramos as nosas escaleiras colocando as peciñas por orde. Posteriormente, manipulámolas libremente facendo carreteras, torres, letras, números... Continuaremos traballando con elas, pois axudarannos a aprender moitos conceptos matemáticos😀

LECTOESCRITURA NA MESA DE LUZ

Na aula de 5.º de Educación Infantil comezamos a darlle moito uso ao agasallo de Nadal: a mesa de luz. Desta vez realizamos unha actividade de lectoescritura onde debiamos buscar as letras que compoñían o nome de cada animal do bosque. Este trimestre imos coñecer un pouco máis sobre diferentes animais presentes na nosa contorna: o xabaril, o raposo, o ourizo e a toupa. Comeza aquí un novo proxecto para nós!!

Unha vez formamos as catro palabras, contamos cantas letras tiña cada unha e buscamos o número correspondente. Había dúas palabras que contiñan o mesmo número de letras e que eran máis longas que as outras dúas. Canto aprendemos de mates!!

XOGOS MATEMÁTICOS NO PATIO

Estes días, fai mooooito frío ⛄pero o bo é que a media mañá, o soliño quenta moito e estase moi ben fóra🌞 Na aula de 5.º de Educación Infantil estamos aproveitando para saír ao patio facer xogos e, este venres, foron moi matemáticos.

Que divertido!! Saír fóra sempre é un acerto 😍

COMEZAMOS CUNS XOGUIÑOS

Comezamos o trimestre traballando con algunhas das propostas dos recantos para así ir collendo o ritmo pouco a pouco 😀 Aprendemos e pasámolo ben ao mesmo tempo!!

Experimentar, vivenciar, manipular... como nos gusta 😍

XOGAMOS COAS CARTAS DE NÚMEROS E LETRAS

Estes días na aula de 5.º de Educación Infantil estivemos traballando cunhas cartas novas de números e letras ás que lle atopamos moitas posibilidades 😃 Queredes ver canto xogamos e aprendemos con elas? Ollade este vídeo 😍

XOGAMOS COS NÚMEROS E AS LETRAS

Boa tarde 😊 estes días, na aula de 5.º de Educación Infantil fixemos diferentes xogos para traballar cuestións de lectoescritura e de lóxica matemática:

• Buscamos letras e números.
• Pensamos palabras que comezasen por diferentes letras.
• Fixemos o son das letras.
• Démoslle indicacións ao BeeBot para que chegase ao número que indicaba o dado.
• Contamos un número determinado de elementos.
• Buscamos números.

Queredes ver que ben o pasamos? Mirade, mirade 👀

ALGUNHAS PROPOSTAS DESTES DÍAS

Ao longo dos días, na aula de 5.º de Educación Infantil realizamos moitos xoguiños que nos axudan a aprender. Desta volta queremos ensinarvos un co que traballamos cuestións de lóxica-matemática. Mirade mirade 👀

Ademais queremos amosarvos a nova decoración da porta da nosa aula. Como ao longo do curso imos traballar a igualdade relacionado coa temática do circo, quixemos disfrazarnos das persoas que nel traballan 😍

CELEBRAMOS O DÍA DAS BIBLIOTECAS

Este 24 de outubro foi o Día das Bibliotecas e na aula de 5.º de Educación Infantil fixemos unha actividade que nos propuxo Fidalgo. Debiamos levar o BeeBot dende a portada dun dos nosos libros favoritos ata unha das súas ilustracións. Como nos gustou esta proposta!! 😍😀

Premede aquí e veredes o noso vídeo no blog da Bibliosanluís:

https://equipobibliosaluis.blogspot.com/2021/10/24-de-outubro-dia-das-bibliotecas.html

Aí tamén podedes ver os traballiños dos nosos compañeiros e compañeiras.