AS VOGAIS MINÚSCULAS

Na aula de 6.º de Educación Infantil estamos comezando a recoñecer algunhas letras minúsculas. Comezamos polas vogais e pouco a pouco iremos coñecendo as demais. Desta volta, fixémolo cunha actividade de robótica co noso amigo o BeeBot. Había que resolver cada reto que nos propoñían as profes levando ao robot a: letra indicada, a un debuxo onde a palabra empezaba por determinadas letras, levar de letra maiúscula á minúscula correspondente...

ROBÓTICA NUMÉRICA

Estes días, na aula de 5.º de Educación Infantil estivemos a traballar co escornabot, un robot moi similar ao BeeBot que xa manexamos outras veces. Desta volta, traballamos o recoñecemento de números, o conteo e a súa localización nas tarxetas dos dados e dos dedos das mans.

Aprender con este tipo de robots é éxito asegurado!! 😍😍

XOGAMOS COS NÚMEROS E AS LETRAS

Boa tarde 😊 estes días, na aula de 5.º de Educación Infantil fixemos diferentes xogos para traballar cuestións de lectoescritura e de lóxica matemática:

• Buscamos letras e números.
• Pensamos palabras que comezasen por diferentes letras.
• Fixemos o son das letras.
• Démoslle indicacións ao BeeBot para que chegase ao número que indicaba o dado.
• Contamos un número determinado de elementos.
• Buscamos números.

Queredes ver que ben o pasamos? Mirade, mirade 👀

CELEBRAMOS O DÍA DAS BIBLIOTECAS

Este 24 de outubro foi o Día das Bibliotecas e na aula de 5.º de Educación Infantil fixemos unha actividade que nos propuxo Fidalgo. Debiamos levar o BeeBot dende a portada dun dos nosos libros favoritos ata unha das súas ilustracións. Como nos gustou esta proposta!! 😍😀

Premede aquí e veredes o noso vídeo no blog da Bibliosanluís:

https://equipobibliosaluis.blogspot.com/2021/10/24-de-outubro-dia-das-bibliotecas.html

Aí tamén podedes ver os traballiños dos nosos compañeiros e compañeiras.

REPASAMOS OS NÚMEROS CO OZOBOT

Onte, as nenas e nenos de 3 anos, estivemos repasando os números 1, 2 e 3 coa axuda dun robot. Sabedes como se chama? Ozobot, e camiña por encima de liñas. Primeiro, adiviñamos cal era cada número e, despois, contamos pompóns e depresores de cores e situámolos xunto ao número correspondente.

Mirade que ben o facemos 😍

ROBÓTICA OUTONAL

Este xoves na aula de 3 aniños traballamos cunha abelliña moi especial. Chámase Bee Bot e é un robot. Sabedes que fixemos con ela? Coñecemos diferentes froitos do outono e traballamos cuestións de lóxica-matemática como o conteo. Mirade que ben o pasamos 👀 Gustounos tanto que imos repetir moitas máis veces 😀😍

XOGANDO Á OCA CON BEE BOT

Na aula de 5 anos estivemos xogando á oca co noso amigo Bee Bot. O xogo consistía en tirar un dado, contar e darlle as indicacións ao noso robot para que avanzase o número de cadrantes correspondente. En cada un deles tiñamos unha pregunta sobre aspectos de lóxica matemática como coller unha decena de paus, pequenas sumas, uso dos cuantificadores máis/menos/igual... e tamén cuestións de lectoescritura: escribir unha palabra que comece por C, escribir o nome dalgún compañeiro/a... Ademais tamén tiñamos a opción de "oca oca, tiro porque me toca", o pozo que nos prohibía tirar na seguinte quenda...

DÍA ESCOLAR DA NON VIOLENCIA E A PAZ

Onte, 30 de xaneiro, celebramos o Día Escolar da Non Violencia e a Paz. Comezamos cunha actividade de robótica que nos prepararon, para todo o cole, as nenas e nenos de 6.º de Educación Primaria xunto co seu profe. Converteron os mBots en Tanquebots con palabras como agarimo, paz... que foron quen de destruír o muro do medo, o bullying... (feito con pezas LEGO) para lograr un mundo mellor.

Tamén fixeron en papel continuo diversos símbolos referidos á paz, polos cales camiñaron diferentes Ozobots. Como veredes, dependendo do código de colores, realizan uns movementos ou outros, que vos parece??
 

Fixemos un pequeno festival conxunto entre todo o cole, onde cada clase presentou a muller que estivo traballando ao longo dos días; todas elas recibiron un Premio Nobel da Paz. Tamén se realizou a entrega de agasallos do concurso de debuxos e contos e rematamos bailando a canción "Girasoles de Rozalén".
    

"A paz non é algo que desexas. É algo que creas, algo que fas, algo que es e algo que regalas".

John Lennon

ROBÓTICA ENTRE TIBURÓNS

Seguimos coa temática dos tiburóns e desta vez fixemos unha actividade de.... ROBÓTICA!! Empregando o Bee Bot da biblioteca traballamos vocabulario, aspectos de lóxica-matemática, lectoescritura e moooito máis!! Foi moi divertido e motivador para nós, así que esperamos repetir pronto.

24 DE OUTUBRO: DÍA DAS BIBLIOTECAS ESCOLARES

O 24 de outubro celebramos o Día das Bibliotecas Escolares e como o fixemos??? Realizamos unha actividade co Bee Bot para coñecer as normas da biblioteca, deixando así inaugurado este novo recuncho co que conta a “Biblio San Luís”. Gustounos moito moito, pero debemos dicir que se nos fixo curta a actividade, queremos repetir!!

No blog da biblioteca do cole podedes ver un vídeo ben chuli da actividade: http://equipobibliosaluis.blogspot.com/2019/10/24-de-outubro-dia-das-bibliotecas.html