BOTANDO MEDOS FÓRA!!!

Que mellor época ca do Samaín para dialogar sobre os medos que nos rondan a cabeza, pois ben, despois de falar con calma cales eran algúns dos nosos maiores temores. Fixemos unha grilanda con distintos debuxos detrás dos cales ían escritos os nosos medos, e este foi o resultado👉

UN SAMAÍN DIFERENTE!!!

Este ano vímonos obrigad@s a celebrar o Samaín de xeito diferente a como estabamos acostumad@s pero non por iso deixamos de festexalo na aula, botade unha ollada e veredes que ben o pasamos!!!👀👻

O ANIVERSARIO DE YARA!!

O 27 de Outubro a nosa compañeira Yara estivo de aniversario!!!🎂 Fixemos unha festa rachada para celebrar que xa cumpliu 5 anos!!! Parabéns Yara!!! 

PARABÉNS ROLLER!!

Hoxe o noso amiguiño Roller está de cumple!!! 🍰🎈 Xa ten 3 aniños, que maior!!! 💓 E como non, unha ocasión tan especial non podía pasar desapercibida na clase, así que fixemos un festexo todos xuntos. Mirade que ben o pasamos 😀😀

Agardamos que o pasases moi ben!! 💓Feliz cumple💓 Querémoste moito!!

Búscase a Aurelio!!!

Aurelio desapareceu!! Buscámolo por toda a clase, polo patio, polos corredores... pero nada, non aparece por ningún sitio😓😢 Como estabamos tan preocupad@s decidimos facer uns carteis de "Búscase Aurelio" e repartímolos polo cole por se alguén o vira 👀

UN COMPAÑEIRO MOI CURIOSO!!

O outro día Alberto, achegounos á clase un paquete moi estraño que viña ao noso nome!! Quedamos abraiados e abraiadas ante semellante acontecemento!! Paula atreveuse a abrir a caixa e ... adiviñades o que viña dentro?? Un morcego chamado Aurelio!!!

 Dentro da caixa viña unha carta explicando quen era e porque quería coñecernos. Aurelio está moi preocupado porque despois da pandemia todos culparon aos morcegos da enfermidade e el confesa que agora ten medo de que o vexan e lle poidan facer dano; por iso agora se agocha nas torres máis altas e desde alí vixía o que acontece nas distintas vilas e cidades. Ademais confesa que se alimenta de vogais e de palabras e pídenos axuda para poder alimentarse. Na caixa tamén trae consigo un conto no que el é protagonista e un papiro no que aparece o seu idioma segredo.

Dentro da caixa tamén trouxo un pasaporte para cada un de nós por se o queremos acompañar na súa viaxe de torre en torre e deixou unha caixa de correo para deixarnos mensaxes e cartas!!!

UN ARCO MOI ESPECIAL!

Un símbolo moi repetido durante o confinamento foi o do arco da vella xunto coas palabras "todo vai saír ben", pois ben, dende que comezou o curso foron varias as veces que a natureza nos agasallou coa súa presenza cerca do colexio e nós non quixemos perder a oportunidade de comtemplar a beleza deste fenómeno e ter presente as verbas de que "todo vai saír ben".