Estes días, coa teacher Raquel estivemos a traballar as partes do corpo en inglés. Seguro que recoñecedes de quen é a silueta que pintamos. Nin máis nin menos que do noso amigo Pablo!! 😍
Estes días, fai mooooito frío ⛄pero o bo é que a media mañá, o soliño quenta moito e estase moi ben fóra🌞 Na aula de 5.º de Educación Infantil estamos aproveitando para saír ao patio facer xogos e, este venres, foron moi matemáticos.
Que divertido!! Saír fóra sempre é un acerto 😍
Comezamos o trimestre traballando con algunhas das propostas dos recantos para así ir collendo o ritmo pouco a pouco 😀 Aprendemos e pasámolo ben ao mesmo tempo!!
Experimentar, vivenciar, manipular... como nos gusta 😍
O luns volvemos ao colexio logo das vacacións do Nadal. As nenas e nenos de 5.º de Educación Infantil, iamos comezar a asamblea cando descubrimos que había unha carta sospeitosa na aula. Sería da profe? Sería dalgún neno/a da nosa clase? Noon!! Non era de ninguén. Cheos de curiosidade, abrímola e descubrimos que alguén nola deixara porque iamos recibir un agasallo 🎁 Seguimos cada unha das pistas que tiñamos entre mans e... tachán!!! Que ilusión!! 😀😍
