23 de Febreiro. Día de Rosalía.

O 23 de febreiro foi o día de Rosalía, conmemoración festexada con diversas actividades. Ollade que ben o pasamos na aula de 5 anos.

Deixámosvos enlace ao video dos Bolechas "As miñas primeiras letras galegas. Rosalía de Castro", que tanto nos gustou e acompañou ao longo do desenvolvemento das diferentes actividades, e tamén o video recitando a nosa estrofa favorita do poema de Rosalía de Castro "Has de cantar". "Has de cantar meniña gaiteira. Has de cantar que morro de pena". Agardamos que vos guste.

"Baixo a mesma carpa de crochet". Toma 5

Seguindo co proxecto "Baixo a mesma carpa de crochet", desta vez tocounos dialogar sobre o que nos gustaría ser de maiores analizando e reflexionando acerca dos oficios que rodean a nosa sociedade, a veces con estereotipos establecidos. Aínda así, á hora de dicir o que nos gustaría ser de maiores é verdade que algunhas nenas decántanse por perruqueiras, cociñeiras.... os nenos por futbolistas.... Ante a proposta de cambiar os roles, todos e todas acerptan, valoran e respectan a cociñeiros e cociñeiras, homes e mulleres futbolistas.... Por tanto a nosa menxaxe é a seguinte: "Tod@s temos dereito a ser libres de escoller e ser respectados independientemente do sexo" .

O ENTROIDO NA AULA DE 5.º DE EDUCACIÓN INFANTIL

Que días tan divertidos no cole, disfrazarnos encántanos!! 😍 Este ano, celebramos o xoves de compadres, o xoves de comadres e onte disfrazámonos de paiasos e paiasas en relación con noso proxecto "Baixo a mesma carpa de crochet". Aquí podedes ver un vídeo 💗🎪🎈🎉

Moitas grazas a todas as familias pola vosa implicación e por facer posibles estes días tan especiais 💖

Ademais, fixemos unha videochamada cun paiaso da Asociación Galiclown. Que ilusión!! 😍😀 Fíxonos un trunquiño de maxia, falou con nós, ensinounos o seu gatiño e incluso lle fixemos algunha pregunta pois tiñamos cursiosidade por saber se vivía no hospital. Moitas grazas por permitirnos esta oportunidade tan marabillosa e gratificante 💕

23 de febreiro: Día de Rosalía

Esta semana, celebramos o Día de Rosalía e, as nenas e nenas de 5.º de Educación Infantil axudáronlle a Fidalgo (a mascota da biblioteca) a atopar un libro perdido. Que marabilla de xincana 👏👏 Grazas Fidalgo por contar con nós para esta misión!! 😍

Ademais, tamén fixemos unha exposición co título "Rosalía do circo", relacionando esta conmemoración co noso proxecto anual "Baixo a mesma carpa de crochet". Que persoa do circo lle gustaría ser a Rosalía de Castro? Pensamos e debuxamos 💖

SELECCIONAMOS PÁXINAS INTERESANTES DOS LIBROS

Tiñamos pendente ensinarvos que, as nenas e nenos de 4 anos, seguimos traballando sobre os animais da nosa contorna: a toupa, o xabaril, o raposo e o ourizo. Estes días de atrás, estivemos seleccionando e marcando aquelas páxinas dos libros informativos que nos ían resultar de utilidade para aprender sobre eles.

Posteriormente, lemos a información e clasificámola:

Á volta das vacacións de Entroido, seguiremos traballando sobre isto 😀

AS REGRETAS EN 5.º EI

Esta semana na aula de 5.º de Educación Infantil, introducimos un novo material: as regretas. Son pezas de diferentes cores e, cada cor, representa un número do 1 ao 10.

O primeiro que fixemos foi elaborar, entre todos/as, unha plantilla onde as debuxamos en orde ascendente, así como elaboramos as nosas escaleiras colocando as peciñas por orde. Posteriormente, manipulámolas libremente facendo carreteras, torres, letras, números... Continuaremos traballando con elas, pois axudarannos a aprender moitos conceptos matemáticos😀

OS KANDINSKYS DO SAN LUÍS

Na aula de 5.º de Educación Infantil, estivemos a traballar estes días cun cadro de Kandinsky.

Grazas a el, traballamos numerosos conceptos como:

• Formas xeométricas: rectángulo (base do cadro), cadrado e círculo.
• Tamaños grande/pequeno.
• Conceptos encima/debaixo á hora de pegar os círculos.
• Conceptos dentro/fóra.
• Concepto igual/diferente.
• Practicamos o manexo da tesoira.
• Repasamos as cores.
• Contamos o número de cadrados e de círculos.

Velaquí o resultado final das nosas artistadas 😍💖