XOGO: O LABIRINTO

Benvidos/as a todos/as a esta última semana de curso!! Como xa as enerxías van a menos nesta recta final e xa traballastes moito moito durante este confinamento, estes días ímosvos deixar uns xoguiños por se vos apetece pasar un cachiño con eles, vale? Xa é momento de afrouxar, así que non tedes que mandar fotos nin vídeos, só se vos apetece 😊

Ademais, ao longo destes días, se vos apetece, podedes enviar algunha receita que vós fagades, algún vídeo con algunha mensaxe para os compañeiros/as ou o que se vos ocorra e vos apeteza compartir connosco 😊

O xogo de hoxe chámase O LABIRINTO.

Primeiro de todo ímos elaborar o material para telo listo para xogar. Como ides facer? Explicámosvos.

• Cortade rolos de papel hixiénico baleiros cun ancho aproximado de 3,50cm. Tedes que facer 10 anacos.
• Unha vez tedes listos os 10 anacos, colocádeos e pegádeos dentro dunha caixa de cartón. Asegurádevos de deixar espazo suficiente para moverse o obxecto redondo.
• Cando xa estean ben pegados, escribide na parte superior das pezas os números do 1 ao 10.
• Metede dentro da caixa un pompón/bola de papel de aluminio ou calquera outro obxecto redondo.

Deixámosvos unha imaxe e un vídeo para que vos fagades unha idea de como é o xogo.

 Pasádeo ben!! 😊

PARABÉNS PALOMA

Hoxe a nosa amiguiña Paloma está de aniversario 🎈🎁 Parabéns peque!! Xa tes 6 aniños ❤️ Esperamos que pases un moi bo día!! Biquiños 😘😘

EN MARCHA O RETO 12 DE XUÑO DE 2020

Para rematar esta semana, os peques puxéronse mans á obra para enrocar tapas, buscarlle o bote correspondente... Ben feito!!! 👏👏😀😀 Boa fin de semana nenas, nenos e familias!! 💓 Collede forzas para a recta final deste curso 😊

Dani A.

Gael

Lucía

Dani B.

Hugo G.

Xoán

Aroa

Nagore

RETO VENRES 12 DE XUÑO 2020

Ai.. chegamos ao final desta semana e só nos queda unha para rematar o curso 😢😢 Que mágoa que teñamos que rematalo así a distancia... pero bueno, o importante é coidarse!! Imos aló cunha proposta da vida cotiá que chamamos a caixa dos obxectos.

Necesitades:

• Unha bandexa.
• Diferentes obxectos, cada un cunha apertura distinta: un moedeiro, un estoxo ("estuche") con cremalleira, botes de perfume, un tarro (de enroscar, de pechar a presión), un candado, parafusos ("tornillos") e torcas...

Actividade:

Colocade os obxectos que escollestes na bandexa e as tapas por separado. O que tedes que facer é asociar cada tapa co seu bote/tarro, cada chave co seu candado, cada torca co seu parafuso, pechar a cremalleira... Non é complicado, intentadeo que é unha actividade moi interesante para practicar a motricidade fina, o que nos axudará a coller despois o lapis con maior soltura á hora de escribir.

Aquí tedes algúns exemplos:

Imaxe extraída de http://ittybittylove.blogspot.com/2008/10/new-pl-lessons.html

Imaxe extraída de https://i.pinimg.com/564x/92/51/bd/9251bdd7acfea1c66d5e8dad26ca46ab.jpg

----------------------------------

Agora como vén a fin de semana tocaban uns contiños pero hoxe imos cambialos por uns vídeos de curiosidades sobre algúns animais. Que vos parece? 😊

Agora sí, boa fin de semana!! 😘😘😘 Cargade ben as pilas para afrontar a última semana deste curso!! Haberá algunha sorpresiña 🙊

EN MARCHA O RETO 11 DE XUÑO DE 2020

Xa chegan mostras do dominio que teñen os nosos peques do seu corpo 😀😀 da gusto velos 😍😍

Dani A.

Dani B.

Gael

Lucía

Hugo G.

Xoán

Nagore

PARABÉNS KHAOULA!!!

Hoxe 11 de Xuño a nosa amiga Khaoula está de aniversario e cumple 5 anos!!!!👏👏💓 Parabéns Khaoula!!! Agardamos que desfrutes moito deste día tan especial na compaña da túa familia e amigos!!! E que para o curso que vén poidamos celebrarlo no cole cun gran bizcoito!!!🍵🎁

RETO XOVES 11 DE XUÑO DE 2020

Bo xoves!! Como estades de enerxía? Seguro que aínda vos queda unha poquiña para afrontar estes dous días 💪💪 

Hoxe traémosvos tres propostas de psicomotricidade así que en 3... 2... 1... Arrincamos!! 🚀

Movemento do corpo coa canción "Chuchuwa"

Imos mover un pouco o corpo ao ritmo desta canción. Estade ben atentos/as e facede o que van dicindo.

Lanzamento de bólas

Precisades un caldeiro/recipiente e tamén unhas pelotas. Se non tedes moitas podedes improvisar unhas facendo bólas de papel de xornal/revista.

Que tedes que facer? Encestar as bólas no caldeiro. Progresivamente iredes separándovos cada vez máis del, aumentando así a dificultade.

Imaxe extraída de internet

Motricidade fina con gomas

Imos poñer en marcha unha actividade proposta dende o blog Zoqueando á par do Departamento de Orientación (https://zoqueandoapar.blogspot.com/search/label/Motricidade%20fina). Tedes que coller un rollo de papel hixiénico e poñer nel diferentes gomas do pelo. Velaquí tedes unha imaxe de exemplo:

E isto é todo por hoxe 😊 Vamos que podedees!! 💪💪💪