23 ABRIL... QUE NON MORRA O CONTO!!!

Na semana do 19 ao 23 de Abril os nenos e nenas de 6º de Educación Infantil estivemos moi atarefad@s coa celebración do Día  Internacional do Libro  facendo algunhas das actividades que nos encomendou o noso pequeno trasno: baixamos ao patio durante o recreo a ler  libros, participamos nun taller de marcapáxinas que tivo lugar na Biblioteca do cole, gravamos vídeos dicindo cales eran os nosos libros favoritos... e finalmente quixemos compartir a lectura dun conto que nos gustou moito: "Teresa la princesa". Agardamos que gocedes das nosas pequenas aportacións a un día tan especial😊📗

COMO FOI A SEMANA DO LIBRO NA AULA DE 3 ANOS?

Boa tarde a todos e a todas!! Hoxe, as nenas e nenos de 3 aniños, queremos amosarvos como celebramos a Semana do Libro 📚 Fixemos numerosas actividades pero, sen dúbida, ler no patio deitados en mantas e toallas foi o que máis nos gustou 😍😀 Moitas grazas ás familias por aportar o voso gran de area!!

Como sabedes, na aula estamos traballando moito co conto  A eiruguiña comellona e non podiamos desperdiciar esta ocasión. É un conto que nos gusta moito e xa sabemos de memoria algúns anaquiños polo que decidimos facer un contaconto virtual. Agardamos que vos guste 😊

Lembrade que, ao ser unha proposta da biblioteca, podedes visitar o seu blog. Nel están publicados tamén os nosos traballiños destas datas. Velaquí vos deixamos a ligazón:

http://equipobibliosaluis.blogspot.com/2021/04/que-fixemos-na-semana-do-libro.html 

Plantando flores

Neste tempo primaveral os nen@s de 4 anos non o dubidamos nin un momento, calzamos as nosas botas e saimos ó patio plantar xeranios, hortensias, lavanda e uns bulbos de calas. Como bos xardiñeiros rellenamos con terra algún que outro neumático que nos fan de orixinais macetas, espetamos as poliñas que a profe Sabina nos trouxo do seu xardín, regamos, e agora esperar que saian. Con sol, auga e o mimo que lle puxemos seguro que pronto veremos asomar algunha que outra flor.

Libro. "OS CANS".

Despois de aprender tantas cousas dos cans fixemos un pequeno libro con diferente información ( partes do corpo, razas, como se chamaba a primeira cadeliña que viaxou ao espazo ,a nave espacial na que viaxou....). Convidámosvos a que lle botedes unha ollada. Agardamos que vos guste.

A EIRUGUIÑA COMELLONA

Fai uns días, cando as nenas e nenos de 3 aniños chegamos á aula pola mañá, atopámonos cunha sorpresa. Un recuncho novo!! Pero non era un recuncho calquera, senón un recuncho moi especial con moitos materiais para traballar co conto A eiruguiña comellona de Eric Carle.

Nel contamos con materiais que nos gustan moito:

• Contos e libros informativos sobre froitas e árbores.
• Un peluche da eiruguiña.
• Materiais de grafomotricidade.
• Quebracabezas.
• Un hotel de insectos.
• Lupas.

Dado que imos traballar sobre isto, na aula temos vermes de seda🐛 Que ilusionados/as nos teñen!! Cada día, o encargado ou encargada, unha vez rematamos a asemblea, responsabilízase de darlles de comer follas de moreira, o seu único alimento. Mirade que ben os coidamos que medran moito!!

A diario aproveitamos para traballar conceptos como grande/pequeno a través do tamaño dos vermes, contamos o número de follas que lles damos de comer, cantos vermes temos e moitas máis cousas.

A verdede é que o conto da eiruguiña estanos a gustar moito moito, incluso xa sabemos algúns anaquiños de memoria!! É por isto que decidimos facer un mural da eiruguiña para coñecer as diferentes partes do seu corpo. Queredes ver que artistas estamos feitos/as? Mirade mirade 👀 ademais veredes que xa coñecemos moitas letras 😀

ESCRIBIMOS NAS VENTÁS

Na aula de 3 aniños seguimos traballando sobre o noso nome e, desta vez, fixémolo dunha forma diferente que nos gustou moito. Sabedes cal é? Escribimos nas ventás con rotuladores especiais!! Con estes rotus podemos escribir e borrar cun anaquiño de papel, así de sinxelo.

ANIVERSARIO DO NOSO AMIGO HUGO H.!!!

O Domingo 11 de Abril o noso amigo Hugo H. cumpliu xa 6 anos polo que o luns quixémolo celebrar cunha gran festa na clase. Neste vídeo podedes comprobar o que gozamos na festa de aniversario!! Parabéns amiguiño!!!🎈🍰🎉