CHEGOU O OUTONO Á AULA DE 3 ANOS

Na aula de 3 aniños estamos aprendendo un montón de cousiñas sobre o outono 🎃🐌🌰🍁🍂🍄 Queredes ver algunhas das cousiñas que estamos a facer?? Mirade mirade 👀

Seguimos traballando e aprendendo. Pronto vos ensinaremos máis cousiñas 😊

PROGRAMA DE ACOLLIDA E PLAN DE ADAPTACIÓN Á SITUACIÓN DO COVID-19

Boa tarde a todos e a todas!! 🙋Vén de publicarse na páxina web do noso colexio (http://www.edu.xunta.gal/centros/ceipxesussanluis/node/439) o Programa de Acollida e o Plan de Adaptación á situación do COVID-19. Velaquí volos deixamos para que poidades botarlle unha ollada 👀 Quedan anclados na marxe dereita para que poidades acceder a eles con maior facilidade en vindeiras ocasións.

PROGRAMA DE ACOLLIDA

PLAN DE ADAPTACIÓN Á SITUACIÓN DO COVID-19

BENVIDAS E BENVIDOS AO CURSO 2020/2021

Queridas familias das nosas nenas e nenos!! Estamos a piques de comezar o curso 2020/2021, concretamente poderemos vernos esta semana do seguinte xeito:

• Xoves 10 de setembro: comezará o alumnado de 4.º e 5.º de Educación Infantil (3 e 4 anos)
• Venres 11 de setembro: comezará o alumnado de 6.º de Educación Infantil (5 anos)

Para estes dous días o horario non será o habitual pero todo isto explicarémosvolo para a próxima semana pois as titoras citarémosvos para unha reunión.

Gustaríanos mandarvos unha mensaxe de tranquilidade pois estamos traballando para gardar todas as medidas de seguridade posibles: desinfección, distancia... Contarémosvolo o día da reunión con máis detalle.

Ata a próxima semana!

BO VERÁN E BOAS VACACIÓNS

Hoxe, venres 19 de xuño, damos por finalizado este curso 2019-2020 que resultou ser tan especial e diferente para todos nós, tanto nenos e nenas, familias como mestres e mestras. Non foi sinxelo afrontar este tempo de confinamento pero xuntos lográmolo a costa de esforzo e empeño, por iso non podemos deixar de recoñecérvolo. Moitas grazas peques e moitas grazas familias 💓 Este diploma vai por vós 🏆

Os traballiños xa están empaquetados e nas vosas casiñas 😊😀

Pese ás circunstancias complexas que todos/as tivemos que vivir, non queremos deixar que iso tape ou deixe nun segundo plano todo o que compartimos xuntos: aprendizaxes, risas, choros, xogos, bailes, excursións... así que deixámosvos uns recordos 📷

PARA OS NENOS E NENAS DE 3 ANOS

PARA OS NENOS E NENAS DE 4 ANOS




PARA OS NENOS E NENAS DE 5 ANOS

Toda graduación ten unha orla, así que aquí tedes a vosa 😊

E aquí podedes ver as vosas fotiños cos birretes, mirade que guapos estades todos/as!! 😍😍

Boa viaxe a primaria 🚀

Botade un pouquiño de menos o cole, aos amiguiños/as e aos mestres/as 🙊 Boas vacacións e bo verán 🌞 Querémosvos moito 💓

P.D. Se mirades a entrada de onte do blog BIBLIOSANLUÍS da biblioteca, podedes ver uns telexornais que fixemos sobre unhas mulleres fotógrafas con motivo do Día Internacional da Muller. Como o coronavirus nos colleu en plena gravación, non todos os cursos os fixemos e por iso estaban sen publicar pensando en que isto non ía ser tan duradeiro. Se accededes á seguinte ligazón, podedes velos. Os dous primeiros son dos peques de Educación Infantil: http://equipobibliosaluis.blogspot.com/2020/06/telefidalgo-presenta.html

Lembrade tamén mirar a súa última entrada pois nela atoparedes unhas recomendacións de lecturas para o verán 🌞http://equipobibliosaluis.blogspot.com/2020/06/boas-vacacions-non-deixedes-de-sonar.html

ANIVERSARIOS DO VERÁN

Agora que remata o curso, se botamos a vista atrás 👀 celebramos un montón de aniversarios xuntos  no cole, pero non podemos esquecer aos nosos amiguiños e amiguiñas que cumplen aniños no verán 😊 Parabéns a todos e a todas!! 🎈🎁

Este vídeo vai para todos/as vós que estades de aniversario no verán 🌞

ÚLTIMOS XOGUIÑOS DESTE CURSO

Os peques anímanse co último xoguiño deste curso 💪💪 mañá xa só será día de algunhas sorpresas e despedidas 😢

Gael

Lucía

Dani A.

Xoán

Nagore

XOGO: QUE ANIMAL FALTA?

Bo xoves!! Estades ben espertos?? Mirade que para esta actividade fai falta eh!! Accedede ao seguinte vídeo e adiviñade que animal falta. Hai un ingrediente fundamental neste xogo: a atención!! 😎

Mañá daremos por rematado este curso e comezarán as vacacións. Durmide ben, pois agárdanvos algunhas sorpresiñas 🎈📷