RETOS SEMANA 1: 16-20 de marzo 2020
* REPASAR A CANCIÓN DOS DÍAS DA SEMANA
* ACTIVIDADE DE LÓXICA-MATEMÁTICA: ASOCIAR NÚMERO-CANTIDADE
Colle un paquete de macarróns, lentellas ou similar que teñas pola casa.
Fai diferentes agrupamentos cos números do 1 ao 10. Exemplo: escribe o número 1
e colle 1 lentella/macarrón. Escribe o número 2 e coloca ao seu carón 2
macarróns/lentellas. Fai isto cos números do ao 10.
* ACTIVIDADE DE LECTOESCRITURA
Imos comezar por lembrar os nomes dos teus compañeiros e compañeiras. Escolle catro deles e escríbeos. Cadaquén fará esta actividade na medida das súas posibilidades. Se resulta moi complexo escribilos, as familias podedes escribirlle as letras en papeis individuais para que as coloquen no orden correcto. Lembrade que para isto é importante irlles pronunciando o son de cada unha das letras. Esta actividade tamén se pode realizar recortando letras de revistas, xornais...
Podemos aproveitar para contar cantas letras ten cada nome, cal é o máis
longo e o máis curto...
* MANUALIDADE
Busca pola túa casa algún rollo de papel hixiénico. Convidámoste a facer un
lapiceiro para ordear o teu material de estudo estes días que imos estar na
casa.
(Imaxe extraída da web: https://www.sitly.es/blog/manualidades-con-tubos-de-carton-para-ninos/)
* EXPERIMENTO
Seguro que os nenos e nenas de 4 anos, xa coñecedes este experimento: o ovo
saltarín. Convidámosvos a que o repitades nas vosas casas para ensinarlle ás
familias. Para os demais, só tedes que ver este vídeo moi sinxeliño que vos
explica como facelo: https://www.youtube.com/watch?time_continue=120&v=IZJGbA6tSvY&feature=emb_logo
* ACTIVIDADES DA VIDA COTIÁ
- Vestirse só /soa: preparar a roupa do día seguinte, abotoarse e
desabotoarse sós, subir e baixar cremalleiras, poñer os zapatos…
- Aprender a limpar sós os zapatos: preparar todo o necesario, poñer unha
folla de xornal para colocar sobre o chan ou a mesa, un cepillo, un pano limpo
e seco e unha pequena lata de cera incolora ou crema de zapatos. Amosaráselle como
deben facer para limpar os zapatos. Esta actividade servirá para que os máis
pequenos e pequenas aprendan a encargarse dos seu obxectos persoais.
- Ordenar os calcetíns: á hora de dobrar a roupa os máis peques da
casa pódennos axudar cos calcetíns. A selección é unha actividade que lles gusta
moito xa que se corresponde coa súa necesidade de orde e clasificación.
Amosarémoslles que os calcetíns van de dous en dous e podemos falar do que é un par.
Ensinarémoslle como teñen que doblalos e deixarémolos sós ante este reto.
- Clasificar os cubertos: unha vez lavados os cubertos da cociña
poderán clasificalos no caixón correspondente, os garfos no apartado dos
garfos, as culleres coas culleres….
Moito ánimo con este primeiro reto!
Ningún comentario:
Publicar un comentario