Benvid@s a unha nova semana peques!! Descansastes moito estes dous días?? Hoxe vimos propoñervos un reto matemático. Preparados... listos... xa!! Arrincamos este luns.
Para as nenas e nenos de 3 anos
Ímos comezar cunha canción sobre os números. Premede na imaxe para escoitala.
Agora tedes que facer un libro dos números. Ímosvos explicar como:
1. Coa axuda dun adulto dobrade dous ou tres folios pola metade. Grapádeos ou cosédeos para facer un libro.
2. Escribide na primeira páxina "O MEU LIBRO DOS NÚMEROS".
3. En cada páxina tedes que escribir un número.
4. Debuxade ou pegade recortes de revistas en cada páxina, tantos como o número indique. Velaquí tedes un exemplo.
Para as nenas e nenos de 4 e 5 anos
Imos facer un xogo de descomposición de números.
Precisades:
- Unha bolsa de plástico (como as de conxelado).
- Un rotulador permanente para marcar o medio da bolsa.
- Unhas fichas de cores, garavanzos, tapóns de botella... Tantas como o número máis grande que queiramos traballar.
Outra alternativa é facelo nun folio, dividido cunha liña no medio para poder poñer pezas, garavanzos... nos dous lados.
Para xogar preguntarémoslle aos nenos e nenas como podemos descompoñer o número 5 (por exemplo). A continuación deberá coller 5 fichas, garavanzos, tapóns... e metelas dentro da bolsa. Despois, terán que representar coas fichas separadas pola liña, os diferentes sumandos que teñen como resultado 5.
Deixámosvos unhas imaxes que vos axudarán a entender as diferentes formas que existen para descompoñer o número 5.
5+0
4+1
3+3
2+3
1+4
0+4
Como observades, algunhas combinacións son a mesma bolsa pero xirada: 1+4 é igual que 4+1, 2+3 é a mesma bolsa que 3+2... Mirade este exemplo:
Agora animámosvos a que o fagades vós con diferentes números e mandádenos fotos ou vídeos 📷📷 recordade que canto máis pequeno é o número, menos combinacións posibles existen.
Agora unha novidade: estade ben atentos mañá 👀👀 temos algunha que outra sorpresiña para vós que seguro vos gusta 😊
Biquiños 😘😘
Ningún comentario:
Publicar un comentario