Bo día!! Xa estamos a venres, o quinto e último día da semana que "imos ao cole". Agora veñen por diante dous días para descansar un pouquiño 😊
Hoxe ímosvos presentar o cartel 3 da exposición que titulamos Recordando Carvalho Calero. Recordade que se premedes na imaxe accededes ao vídeo 📷📹📺
Gustouvos? Seguro que ides aprendendo pouquiño a pouco algunha cousiña nova sobre o autor 😊
Aquí veñen as tarefiñas de hoxe. Esta actividade estaba pensada para facer no cole e empregariamos o Ozobot que é un dos robot que temos na biblioteca. Nas vosas casas facédeo de forma oral ou escribindo as palabras, como prefirades.
--------------------------------------------------------------------------------------------------------------------------------
Como xa sabedes, hoxe é o Día da Familia, asi que temos un vídeo preparado para vós. Agardamos que vos guste moito, está feito con moito cariño 💓
Hoxe máis que nunca é o voso día, un día de celebración pola fermosa familia que cada un de vós formades pero tamén un día para recoñecer o voso traballo. Agarimo, coidados, comprensión... son algunhas das palabras que vos definen a todas pero hoxe, 15 de maio de 2020, máis que nunca dades significado á palabra compromiso.
Dende as vosas casas estades a facer unha labor moi importante ou máis ben imprescindible nestes momentos. Moitas grazas a todas vós por todo o esforzo que estades a realizar e o empeño que poñedes en cada un dos retos 💓
Non importa se as familias son monoparentais, con dous papás, dúas mamás, se vivides cos avós e avoas... o importante é ser felices e non hai mellor lugar para selo que a nosa familia 💗
Ahhh!! No blog da biblioteca (https://equipobibliosaluis.blogspot.com/2020/05/letras-galegas-2020-parte-iii-e-dia-da.html) tedes outro vídeo onde aparecen tamén os peques.
--------------------------------------------------------------------------------------------------------------------------------
Agora, deixámosvos uns contos para esta fin de semana e, como non podía ser doutro xeito, tratan sobre a familia. Van por vós 🌈
Un papá a la medida
Malina pies fríos
Nicolás tiene dos papás
Biquiños e boa fin de semana 😘😘😘
Ningún comentario:
Publicar un comentario